Ezra 8:21 - Siswati 1996 Bible

²¹ Ngakhona lapho emseleni i-Ahava ngamemetela kutsi akuzilwe, khona sitewutitfoba embikwaNkulunkulu wetfu sicela kutsi asiphephise endleleni yetfu, nebantfwabetfu kanye nato tonkhe timphahla tetfu.

Ezra 8:21 Iomraidhean Croise

2 Tikhronike 20:3

Jehoshafati wetfuka, wase uyawuthandaza kuSimakadze acela kucondziswa nguye, wamemetela kuzila kudla kulo lonkhe lakaJuda.

2 Tikhronike 20:4

Sonkhe sive sakaJuda sahlangana ndzawonye satawucela lusito kuSimakadze; yebo, savele satseleka siphuma kuwo onkhe emadolobha akaJuda kutawumcela.

Ezra 8:15

Ngabahlanganisela ngasemseleni logeletela e-Ahava, samisa lapho emalanga lamatsatfu. Ngatsi nangihlolisisa kulabantfu, ngakhandza kunebaphristi kuphela, emaLevi angekho.

Ezra 8:31

Ngelilanga leli-12 ngenyanga yekucala, satfutsa emseleni i-Ahava sacondza eJerusalema. Sandla saNkulunkulu wetfu sasisetikwetfu; wasivikela etitseni nasetigebengwini endleleni yetfu yonkhe.

Nehemiya 9:1

Kwatsi ngelilanga lema-24 kuleyo nyanga ema-Israyeli ahlangana ndzawonye, azila, embatsa emasaka, atitsela ngelutfuli etinhloko, akhalela tono tawo.

Esta 4:16

“Hamba uhlanganise onkhe emaJuda laseSusa, nizile ningithandazele. Ningadli kudla, ninganatsi nemanti kuze kube ngemalanga lamatsatfu nebusuku bawo. Nami netincekukati tami sitawuzila njengani. Emvakwaloko ngitawuvele ngitidzikele, ngingene enkhosini, nome loko kuphambene nemtsetfo. Nangabe ngiyafa, ngife kube kanye.”

Tihlabelelo 137:1

Sahlala ngasemifuneli yaseBhabhulona, sakhala khona nasikhumbula iSiyoni.

Tihlabelelo 5:8

Simakadze, ngihole ngekulunga kwakho, ngobe nginetitsa, condzisa indlela yakho embikwami.

Tihlabelelo 5:9

Kute liciniso emlonyeni wato, etinhlitiyweni tato kunekubulala, umphimbo wato ulithuna lelivulekile, lulwimi lwato lunebucili.

Tihlabelelo 8:2

Indvumiso yemandla akho uyibeke emilonyeni yetinswane neyebantfwana. Loko ukwentele kutibindzisa titsa takho nalabamelene nawe.

Taga 3:6

Matise kuko konkhe lokwentako, yena uyakucondzisa tindlela takho.

Isaya 30:21

Nome nijikela ngesekudla nome ngesancele, tindlebe tenu tiyakuva livi emvakwenu litsi: “Nansi indlela, hambani ngayo.”

Isaya 35:8

Kuyawuba khona umgwaco lomkhulu lapho, uyawubitwa ngekutsi Yindlela Yebungcwele. Labangcolile ngeke bahambe ngawo, uyakuba walabo labahamba ngawo lomgwaco, tilima letikhohlakele ngeke tihambahambe ngawo.

Isaya 42:16

Labatimphumphutse ngitabahola ngetindlela labangazange batati, ngibahole ngetindlela letingakavami. Bumnyama ngitabenta bube kukhanya embikwabo, ngente tindzawo letimagebhugebhu tibe ngematsafa. Leti tintfo lengitawutenta; ngingeke ngitiyekele.

Isaya 49:10

Abaseyikulamba, abaseyikoma; nekushisa kwaselugwadvule nekwelilanga akuseyikubashaya. Lowo lonesihawu nabo uyakubahola, abahambise ngasemitfonjeni yemanti.

Isaya 58:3

Babuta batsi: ‘Sizileleni kudla, wena wangete wakubona loko? Sititfobeleni, wena wangete wanaka?’ “Noko ngelilanga lenu lekuzila kudla nenta njengekutsandza kwenu, nicindzetele tonkhe tisebenti tenu.

Isaya 58:5

Ngiyona leyo yini inhlobo yekuzila kudla lengiyikhetsile mine, lilanga linye nje kutsi indvodza ititfobe? Lokuzila kwekutsi umuntfu akhotsame nje kuphela yini, ngekubhekisa inhloko phansi njengemhlanga, nekutsi embatse emasaka atitsele ngemlotsa? Nguloko-ke yini nine lenitsi kuzila kudla, lilanga lelemukelekile kuSimakadze?

Jeremiya 10:23

Awu, Simakadze, ngiyati kutsi kute umuntfu lotiphatsele yena imphilo yakhe. Akusiko kwemuntfu kutsi aticondzisele yena tinyatselo takhe.

Jeremiya 42:3

Thandaza ucele kuSimakadze Nkulunkulu wakho kutsi asitjele kutsi sesitakuya kuphi nekutsi kufanele senteni.”

Danyela 9:3

Ngako ngagucukela kuSimakadze longuNkulunkulu ngamncenga ngemthandazo nangekuncusa ngizila kudla, ngembatse emasaka, ngatitsela ngemlotsa.

Joweli 1:14

Memetelani kuzila lokungcwele, nimemetele umhlangano longcwele, butsani baholi kanye nabo bonkhe labahlala kulelive, nibabitele endlini yaSimakadze Nkulunkulu wenu, nikhale kuSimakadze.

Levithikusi 16:29

“Lona-ke ngumtsetfo lekufanele niwugcine titukulwane ngetitukulwane: Ngelilanga lelishumi enyangeni yesikhombisa ema-Israyeli, nebetive labasemkhatsini wenu kufanele bazile, bangadli, bangasebenti,

Levithikusi 16:31

Lelo lilanga lekuphumula, kufanele nizile, ningadli, ningasebenti. Lomtsetfo uyawuhlala ukhona titukulwane ngetitukulwane.

Levithikusi 23:29

Ngobe wonkhe longakaze atitfobe ngalelo langa, uyawuncunywa esiveni sakubo.

Jona 3:5

Bantfu baseNineve balikholwa lelivi laNkulunkulu. Ngako base bamemetela kutsi bonkhe bantfu abazile, kusukela kulomkhulu kuze kube ngukulomncane, bembatse emasaka, bakhombise kutsi baphendvukile.

Jona 3:7

Yakhipha simemetelo kuyo yonkhe iNineve, yatsi: “Inkhosi netiphatsimandla tayo itsi: ‘Akubete lodlako nalonambitsa lutfo nome lonatsa emanti: Umuntfu nome silwane, umhlambi wetinkhomo nome timvu ungadli unganatsi.

Numeri 14:3

Simakadze usiletseleni kulelive kutsi sitewubulawa bese kutfunjwa bafati betfu nebantfwabetfu? Kungete kwaba ncono yini kutsi sincandzeke sibuyele eGibhithe?”

Numeri 14:31

Bantfwabenu lenakhuluma ngabo natsi batawubulawa batfunjwe, mine-ke ngitabangenisa futsi balati lelive lenilalile.

Imisebenti yebaPhostoli 2:39

Ngobe setsembiso saNkulunkulu senu nesebantfwabenu kanye nabo bonkhe labakhashane, lowo nalowo loyawubitwa nguNkulunkulu, iNkhosi yetfu, kutsi ete kuye.”

Tikhulu 20:26

Ngako ema-Israyeli, sonkhe sive, akhuphukela eBetheli, afika lapho ahlala, akhala embikwaSimakadze. Ngalelo langa azila lilanga lonkhe laze layawushona, etfula iminikelo yekushiswa neyebudlelwane kuSimakadze.

1 Samuweli 7:6

Batsi kube bahlanganele eMispa, bakhelela emanti, bawatsela embikwaSimakadze. Ngalona lelo langa bazila khona lapho, bavuma tono tabo, batsi: “Sonile kuSimakadze.” Samuweli wehlulela sive sema-Israyeli eMispa.