Esta 2:21 - Siswati 1996 Bible

²¹ Ngesikhatsi Modekhayi aseyindvuna yasesigodlweni senkhosi, abekanye naboBikthani naThereshi, tindvuna tenkhosi letatigadza indlela leya endlunkhulu. Letindvuna tayitfukutselela inkhosi tafuna lisu lekuyibulala.

Esta 2:21 Iomraidhean Croise

2 Samuweli 16:11

Davide wakhuluma ku-Abishayi nakuto tonkhe tindvuna takhe, watsi: “Indvodzana yami lephuma elukhalweni lwami, ngiyo lefuna kungibulala. Kangakanani-ke lomBhenjamini! Myekeleni anjalo, akachubeke angicalekise, ngobe utjelwe nguSimakadze kutsi akakwente.

1 Emakhosi 16:9

Lomunye wetindvuna takhe labenguZimri, labephetse incenye yemabutfo akhe etincola temphi, wenta luzungu ngaye. Ngaleso sikhatsi Ela abeseThisa, alibele kutinklinkla ngetjwala ekhaya ka-Arisa, indvuna yesigodlo saseThisa.

2 Emakhosi 12:20

Tindvuna takhe tamakhela luzungu tamsontsela eBhethi Milo, emgwacweni locondze eSila.

2 Emakhosi 21:23

Tiphatsimandla ta-Amoni, tamakhela luzungu tamenta silo sengubo tambulalela endlunkhulu yakhe.

Ezra 4:6

Ekucaleni kwekubusa kwaZeksesi, inkhosi, letitsa tabhala phansi tibeka sive sakaJuda nebantfu baseJerusalema licala.

Esta 2:19

Ngesikhatsi emantfombatana asabutfwe kwesibili, Modekhayi abehlala emphundvwini yendlunkhulu.

Esta 6:1

Kulobo busuku abuzange sebehle butfongo enkhosini, ngako yatfumela kutsi akulandvwe emabhuku emilandvo yembuso ifundzelwe.

Esta 6:2

Lendzawo leyafundvwa yayinemlandvo lapho kwakubhalwe kutsi Modekhayi wavumbulula lisu letindvuna letimbili letatigadza iminyango yenkhosi, boBikthani naThereshi.

Tihlabelelo 144:10

Nguwe lonika emakhosi kuncoba, uphephise inceku yakho lenguDavide.

Danyela 2:49

Ngetulu kwaloko, ngesicelo saDanyela, inkhosi yabeka boShadraki, naMeshaki, na-Abednego kutsi babe tiphatsimandla kulesifundza saseBhabhulona, kwase kutsi Danyela yena wasala esigodlweni.