Eksodusi 8:29 - Siswati 1996 Bible

²⁹ Mosi wamphendvula watsi: “Nangisuka nje lapha, ngitawuthandaza kuSimakadze kutsi kusasa ekuseni atisuse letibawu lapha kuwe, nakuletiphatsimandla takho, nasesiveni sakho. Kodvwa kubobe awusiyengi futsi ngekutsi ube sewuyabalela labantfu kutsi bayewunikela imihlatjelo kuSimakadze.”

Eksodusi 8:29 Iomraidhean Croise

Tihlabelelo 66:3

Khulumani kuNkulunkulu nitsi: “Maye, imisebenti yakho mikhulu iyesabeka. Titsa takho titawuta kuwe tikhasa ngemadvolo, ngenca yemandla akho lamakhulu.

Eksodusi 8:15

Kodvwa Faro watsi kube abone kutsi tigogodvolo setifile, wenta inhlitiyo yakhe yaba lukhuni, njengobe abevele ashito Simakadze. Faro akazange abalalele boMosi na-Aroni kutsi batsini.

Eksodusi 8:8

Faro wabita boMosi na-Aroni; befika, watsi kubo: “Thandazani kuSimakadze nimcele kutsi esuse letigogodvolo la kimi nakulesive sami. Ngitawube sengiyabakhulula labantfu benu bahambe, khona batawunikela imihlatjelo kuSimakadze.”

Eksodusi 9:30

Kodvwa ngiyati kutsi wena netiphatsimandla takho nisengakamesabi Simakadze longuNkulunkulu.”

Jeremiya 42:4

Jeremiya, umphrofethi, wabaphendvula, watsi: “Senginivile, ngempela ngitawuthandaza kuSimakadze Nkulunkulu wenu, njengobe nicelile. Ngitanitjela konkhe Simakadze lakushoko, futsi kute lengitanigodlela kona.”

KubaseGalathiya 6:7

Ningayengwa, Nkulunkulu akaphukutwa, ngobe umuntfu uyawuvuna loko lakuhlanyelako.