Eksodusi 35:26 - Siswati 1996 Bible

²⁶ Bonkhe labasikati lababenetinhlitiyo letitsintsekile lababenelikhono bephotsa boya betimbuti.

Eksodusi 35:26 Iomraidhean Croise

2 Emakhosi 23:7

Wabhidlita nemalawu etitabane labesethempelini laSimakadze, lapho labasikati babetfungela khona tingubo tekukhonta Ashera.

Eksodusi 35:21

Ngulowo nalowo lonelikhono kanye nabo bonkhe labatsintseka etinhlitiyweni nasemoyeni wabo baletsa umnikelo kuSimakadze wekutsi usetjentiswe ethendeni lekuhlangana nasekukhonteni kanye nasekwelukeni tembatfo letingcwele.

Eksodusi 35:25

Bonkhe labasikati lababenelikhono lekwephotsa baletsa insontfo leluhlata njengesibhakabhaka, nalebukhwebeletane, nalebovu ngalokutopele, netindvwangu telineni lecolisakele.

Eksodusi 35:27

Baholi baletsa ematje layi-oniksi nalamanye ematje laligugu kutsi atewufakwa esidziyeni nasesembatfweni sesifuba,

Eksodusi 35:29

Onkhe ema-Israyeli, labadvuna nalabasikati, lababenetinhlitiyo letivumako tekunikelela wonkhe lomsebenti, Simakadze labeyale Mosi kutsi awente, bakuletsa kuSimakadze, kwaba ngumnikelo wesihle.

Eksodusi 36:2

Mosi wabita Besaleli, na-Oholiyabi, nawo onkhe emadvodza labenelikhono nalabephiwe nguSimakadze bungcweti nekuhlakanipha nalabetimisele kuwenta lomsebenti.

Eksodusi 36:8

Onkhe emadvodza labenelikhono emkhatsini walababenta lomsebenti welithende lekukhontela balakha ngetindvwangu letilishumi. Tatentiwe ngelineni lecolisakele nangensontfo leluhlata njengesibhakabhaka, nalebukhwebeletane, nalebovu ngalokutopele, tase tihlotjiswa ngemakherubhi lentiwe yingcweti lenebuciko.

Taga 31:19

Uyatitfungela atelukele.