Eksodusi 26:32 - Siswati 1996 Bible

³² Uboyilengisa etinsikeni temgamba letine letembeswe ngegolide tafakwa emahhuka lamane egolide, tasinyiswa etikwemaseko esiliva lamane.

Eksodusi 26:32 Iomraidhean Croise

Esta 1:6

Lesihonco sasihlotjiswe ngetindvwangu letatimhlophe naletatiluhlata njengesibhakabhaka, ticoboshelwe ngetintsambo telineni lecolekile naletibukhwebeletane etindingilizini tesiliva letatiboshelwe etinsikeni temabuli; kwakukhona netihlalo tekucambalala tegolide netesiliva tibekwe esihoncweni. Lesihonco naso sasiyilwe ngemabuli lemhlophe nangematje labovu nangemapharele lacwebetelako, nangematje laluhlata laligugu.

Eksodusi 25:5

netikhumba tetihhanca letishukiwe taguculwa taba bovu, netikhumba temahhashi aselwandle, netingodvo temgamba,

Eksodusi 26:31

“Ubenta indvwangu ngemitiya yelineni leyephotselwe ngalokucolisakele nangensontfo leluhlata njengesibhakabhaka, nalebukhwebeletane, nalebovu ngalokutopele. Uboyihlobisa ngemakherubhi, lentiwe yingcweti lenebuciko.

Eksodusi 26:33

Lendvwangu uboyikhaceka kulamahhuka lavalekako laseluphahleni, bese uletsa lelibhokisi lesivumelwane lelinetibhelekeca letimbili tematje, ulifake ngemuva kwalendvwangu. Lendvwangu itakwehlukanisa indzawo lengcwele endzaweni lengcwelengcwele.

Eksodusi 26:37

Yenta emahhuka egolide alendvwangu. Lendvwangu uyentele tinsika temgamba letisihlanu letembeswe ngegolide; leti-ke ubotibumbela emaseko elitfusi lasihlanu.”

Eksodusi 36:38

Benta tinsika temgamba letatisihlanu nemahhuka ato; tihloko tetinsika nemakabha bakwembesa ngegolide. Benta nemaseko ato lasihlanu ngelitfusi.