Eksodusi 25:22 - Siswati 1996 Bible

²² Ngitawuhlangana nawe lapho, ngikhulume nawe ngisetikwalesihlalo semusa emkhatsini walamakherubhi lamabili lasetikwelibhokisi. Ngulapho ngitakunika khona yonkhe imitsetfo yami yesive sema-Israyeli.”

Eksodusi 25:22 Iomraidhean Croise

Genesisi 18:33

Watsi kube acedze kukhuluma na-Abrahama, Simakadze wase uyahamba; Abrahama wabuyela ethendeni lakhe.

2 Samuweli 6:2

Davide kanye nawo onkhe lamadvodza labewabutsile bashuca besuka eBhala lakaJuda kuyakwenyusa libhokisi lesivumelwane saSimakadze khona, lelalibitwa ngeLibito, libito laSimakadze longuSomandla, lobusela esihlalweni sebukhosi asemkhatsini wemakherubhi lasetikwelibhokisi lesivumelwane.

2 Emakhosi 19:15

Hezekiya wase uyathandaza kuSimakadze, watsi: “Awu, Simakadze, Nkulunkulu wesive sema-Israyeli, wena lohleli emkhatsini wemakherubhi, wena wedvwa unguNkulunkulu etikwayo yonkhe imibuso yemhlaba. Wena wadala lizulu nemhlaba.

1 Tikhronike 13:6

Davide kanye nawo onkhe ema-Israyeli bahamba baya eBhala yakaJuda, eKhiriyathi Jeyarimu, kulandza libhokisi lesivumelwane saNkulunkulu Simakadze, lobusela esihlalweni sebukhosi asemkhatsini wemakherubhi lasetikwelibhokisi lesivumelwane lelibitwa ngelibito lakhe.

Tihlabelelo 80:1

Sive, Melusi waka-Israyeli, wena lohola Josefa njengemhlambi wetimvu. Wena lohlala emkhatsini wemakherubhi, bonakala ngekukhatimula kwakho.

Tihlabelelo 80:2

Vusa emandla akho embikwa-Efrayimu, naBhenjamini, naManase, ute utewusisita.

Tihlabelelo 90:1

Yebo, Simakadze! Wena ube siphephelo setfu etitukulwaneni nasetitukulwaneni.

Tihlabelelo 99:1

Simakadze uyabusa! Tive atitfutfumele! Uhleti etikwemakherubhi. Umhlaba awutfutfumele!

Eksodusi 20:24

Ngenteleni lilati ngemhlaba, etikwalo ninikele umnikelo wekushiswa nemnikelo wekuthula, ngetimvu nangetinkhomo. Yonkhe indzawo lapho ngiyawukwenta kutsi libito lami lidvunyiswe khona, ngiyawuta kini nginibusise.

Eksodusi 27:21

Aroni nemadvodzana akhe kufanele balinakekele lelithende lekuhlangana ngekulikhanyisa kusukela kusihlwa kuze kube ngusekuseni; lolutsi lwetibane kufanele lubekwe ngaphandle kwendvwangu lesembikwelibhokisi lesivumelwane, lapho ngikhona khona. Lomtsetfo kufanele wentiwe ngema-Israyeli titukulwane ngetitukulwane.”

Eksodusi 30:36

Lenye yayo uboyisila icolisakale, bese uyifaka ethendeni lekuhlangana uyifafate embikwelibhokisi lesivumelwane, lapho ngihlangana khona nawe. Lemphepho uboyiphatsa uyente ibe ngcwele.

Eksodusi 30:6

Lelilati ubolibeka embikwendvwangu levimbele libhokisi lesivumelwane lelinesihlalo semusa etikwalo, lapho ngitabohlangana nawe khona.

Eksodusi 31:18

Watsi kube Nkulunkulu acedze kukhuluma naMosi eNtsabeni yaseSinayi, wase umnika letibhelekeca letimbili tematje temiyalo, lapho umuno wakhe Nkulunkulu wawubhale khona imiyalo nemitsetfo.

Eksodusi 31:6

Ngetulu kwaloko ngikhetse na-Oholiyabi, umsa wa-Ahisamaki, wesive sakaDani, kutsi asebente naye. Bonkhe laba labanelikhono nabo ngibengetele, khona batewukwati kwenta loku lengikuyale ngako:

Isaya 37:16

“Awu, Simakadze Somandla, Nkulunkulu wesive sema-Israyeli, wena lohleli emkhatsini wemakherubhi, wena wedvwa unguNkulunkulu etikwayo yonkhe imibuso yemhlaba. Wena wadala lizulu nemhlaba.

Hezekeli 43:6

Yatsi lendvodza iseme eceleni kwami, ngeva lomunye akhuluma kimi ngekhatsi ethempelini.

Levithikusi 1:1

Simakadze asethendeni lekuhlangana, wabita Mosi wakhuluma kuye watsi:

Levithikusi 16:2

Simakadze wakhuluma kuMosi watsi: “Tjela Aroni, umnakenu, kutsi angangeni nome ngunini emvakwendvwangu lesendzaweni lengcwelengcwele, embikwesihlalo semusa lesisebhokisini lesivumelwane funa afe, ngobe ngivela ngisefini lelisetikwesihlalo semusa.

Numeri 17:4

Letindvuku ubotibeka embikwelibhokisi lesivumelwane ethendeni lekuhlangana, lapho ngihlangana nani khona.

Numeri 7:89

Ngesikhatsi Mosi angena ethendeni lekuhlangana kuyawukhuluma naSimakadze, weva livi likhuluma naye liphuma esihlalweni semusa lesasisetikwelibhokisi lesivumelwane emkhatsini wemakherubhi lamabili. Bakhulumisana.

Tikhulu 20:27

Baka-Israyeli babebuta kuSimakadze. Ngalawo malanga libhokisi lesivumelwane saSimakadze lalisemkhatsini wabo,

1 Samuweli 4:4

Ngako-ke sive satfumela emadvodza eShilo kutsi alandze libhokisi lesivumelwane saSimakadze longuSomandla, lohlala etikwemakherubhi. Emadvodzana a-Eli abekhona lapho nawo, boHofni naFinehasi, bakanye nelibhokisi lesivumelwane saNkulunkulu.