Eksodusi 12:12 - Siswati 1996 Bible

¹² “Ngalobo busuku ngiyawuhamba ngidzabule emkhatsini welive laseGibhithe ngishaye onkhe ematubulo lamadvuna aseGibhithe ebantfu newetifuyo, ngehlulele tonkhe tithico taseGibhithe; nginguSimakadze!

Eksodusi 12:12 Iomraidhean Croise

1 Tikhronike 14:12

EmaFilisti abesabaleke ashiya bonkulunkulu bawo khona lapho, Davide wakhipha umyalo kutsi babashise ngemlilo.

Tihlabelelo 135:8

Nguye lowashaya ematubulo aseGibhithe, ebantfu kanye newetilwane.

Tihlabelelo 82:1

Nkulunkulu ukhuluma emhlanganweni lomkhulu, wehlulela bonkulunkulu utsi:

Tihlabelelo 82:6

Ngatsi kini: ‘Nibonkulunkulu nine; nonkhe ningemadvodzana aLosetikwako Konkhe.’

Tihlabelelo 91:7

Labatinkhulungwane bangawa eceleni kwakho, nalabatinkhulungwane letilishumi bawele ngasesandleni sakho sekudla, kodvwa wena usale ungenamyocu.

Tihlabelelo 95:3

Ngobe Simakadze nguNkulunkulu lomkhulu, unguMbusi lomkhulu lonemandla kunabo bonkhe bonkulunkulu.

Eksodusi 12:23

Kutawutsi Simakadze nadzabula live, atewubulala emaGibhithe, abone ingati etinsikeni nasetulu eminyango yenu, bese uyendlula angayivumeli ingilosi yekufa kutsi ingene etindlini tenu inibulale.

Eksodusi 18:11

Nyalo-ke sengiyati kutsi Simakadze mkhulu kunabo bonkhe labanye bonkulunkulu, ngobe ema-Israyeli uwakhulule ekugcilatweni ngesihluku ngemaGibhithe.”

Eksodusi 21:6

ngako umtsengi waso kufanele asitsatse asimikise kuNkulunkulu endzaweni yekukhonta. Utawumenta eme eceleni kwemnyango nome kwensika yemnyango, abhobose indlebe yaso ngelusungulo. Sesiyawumsebentela simkhonte imphilo yaso yonkhe.

Eksodusi 22:28

“Ungakhulumi kabi ngaNkulunkulu, ungamcalekisi umholi wesive sakho.

Eksodusi 6:2

Nkulunkulu wakhuluma kuMosi, watsi: “NginguSimakadze.

Eksodusi 9:6

Ngakusasa Simakadze wakwenta loko abetsite utakwenta. Tonkhe tifuyo temaGibhithe tafa; kodvwa kute nome sinye sifuyo sema-Israyeli lesake safa.

Isaya 19:1

Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Jeremiya 43:12

Uyakokhela umlilo emathempelini abonkulunkulu baseGibhithe; uyawubashisa abetfwale ahambe nabo batitfunjwa; live laseGibhithe uyawulihlantisisa, njengemelusi ahlantisisa lijazi lakhe kuze atsintsitse tonkhe tintfwala talo, aphume eGibithe angenamyocu.

Jeremiya 43:13

Lapho ethempelini lelilanga eGibhithe uyawubhidlita tinsika lekutsiwa tingcwele, ashise emathempeli abonkulunkulu baseGibhithe.’ ”

Jeremiya 46:25

Simakadze Somandla, Nkulunkulu wema-Israyeli, utsi: “Sengitamjezisa Amoni, sithico saseThebesi, naFaro, neGibhithe kanye netithico tayo, nemakhosi ayo, nabo bonkhe labo labetsembele kuFaro.

Hezekeli 12:16

Kodvwa ngiyawubaphephisa labambalwa babo enkembeni, nasendlaleni kanye nasesifweni lesibulalanako, kuze kutsi kuleto tive lapho baya khona bativume tonkhe tento tabo letimbi letisinengiso. Ngulapho-ke bayawungati khona kutsi mine nginguSimakadze.”

Amose 5:17

Kuyawuba khona kudzindza sililo kuto tonkhe tivini, ngobe ngiyakwendlula emkhatsini wenu nginijezise.”

Zefaniya 2:11

Simakadze uyakwesabeka kubo, nase abhubhisa bonkhe bonkulunkulu balelo live. Tive letikulo lonkhe lusentse lwelwandle tiyakumkhonta, nguleso naleso sive eveni laso.

Numeri 33:4

EmaGibhithe abengcwaba ematubulo awo onkhe labeshaywe nguSimakadze emkhatsini wawo; ngobe Simakadze abebehlulele bonkhe bonkulunkulu bawo.

1 Samuweli 5:3

Bantfu base-Ashdodi batsi bayavuka ekuseni ngakusasa, bakhandza Dagoni awele phansi ngebuso bakhe embikwelibhokisi lesivumelwane saSimakadze! Batsatsa loDagoni bambuyisela, bammisa endzaweni yakhe, lapho abekhona khona.

1 Samuweli 6:5

Bumbani imifanekiso yematfumba enu neyemagundvwane lekungatsi abhubhise lelive, nimnike ludvumo Nkulunkulu wema-Israyeli. Mhlawumbe uyakusiphakamisa sandla sakhe lesimatima etikwenu, nasetikwabonkulunkulu benu, nasetikwelive lenu.