Dutheronomi 32:51 - Siswati 1996 Bible

⁵¹ Loko kungenca yekutsi nine nobabili anizange netsembeke kimi embikwesive saka-Israyeli emantini aseMeribha Khadeshi, eHlane laseSini; kungobe anizange nibuphakamise bungcwele bami kuma-Israyeli.

Dutheronomi 32:51 Iomraidhean Croise

Isaya 8:13

Simakadze longuSomandla, nguye lekufanele nimati ngekutsi ungcwele. Nguye lekufanele nimesabe nimhloniphe. Nguye lekumele nitfutfumele ngaye.

Hezekeli 47:19

“Ngaseningizimu uyawusuka eThamari ubange ngasemantini aseMeribha Khadeshi, ugudle uMfudlana waseGibhithe, ucondze eLwandle Lolukhulu. Lowo-ke kuyawuba ngumnyele wangaseningizimu.

Levithikusi 10:3

Mosi wakhuluma ku-Aroni watsi: “Simakadze abesho kona loku-ke ngesikhatsi atsi: ‘Ngiyawutibonakalisa ngingcwele kulabo labasedvute nami; ngiyawukhatimuliswa embikwabo bonkhe bantfu.’ ” Kodvwa Aroni wathula.

Numeri 20:24

“Aroni sewutakuya kulabafile bakubo, ngako akasoze angene eveni lengilinike ema-Israyeli, ngobe nine nobabili aningihloniphanga ngasemantini aseMeribha.

Numeri 27:14

ngobe ngesikhatsi bantfu bangihlubuka ngasemantini eHlane laseSini, nani nobabili nangihlubuka lapho nangete nawulalela umyalo wami, ngekunganginiki kwenu ludvumo lwekungingcwelisa embikwabo kulawo manti.” Lawo bekungemanti aseMeribha, eKhadeshi, eHlane laseSini.

Joshuwa 15:1

Live lelasikelwa sive sakaJuda, lusendvo ngelusendvo, lalehla licondze eningizimu emnyeleni waka-Edomu liye eHlane laseSini, ngasekugcineni eningizimu.

1 yaPhetro 4:17

Ngobe sesifikile sikhatsi sekwehlulela kutsi kucale kubendlu yaNkulunkulu; kepha nakucala kitsi, pho, siyawuba njani siphetfo salabo labangalaleli liVangeli laNkulunkulu?