Dutheronomi 28:20 - Siswati 1996 Bible

²⁰ “Simakadze uyakwehlisela ticalekiso etikwakho, nekudzidzeka, nekusoleka kuko konkhe loyawubeka sandla sakho etikwakho, uze ubhubhe uphele masinyane ngenca yebubi lobentile ngekutsi umshiye.

Dutheronomi 28:20 Iomraidhean Croise

Jobe 24:18

“Bantfu labanjalo bangemagwebu lantanta emantini, sabelo sabo sicalekisiwe eveni, khona kutabate loya etivinini.

Tihlabelelo 7:11

Nkulunkulu ungumehluleli lolungile, yena unguNkulunkulu lophambana nebubi onkhe emalanga.

Isaya 28:19

Njalo nje nasifika nome nini, siyakwendlula nani sinitfumbe kusa ngekusa, busuku nemini.” Kuvakala kwalomlayeto kuyawuletsa kwesaba nekutfutfumela kuphela nje.

Isaya 30:17

Inkhulungwane iyawubaleka icoshwe kwetfuswa ngumunye nje, ngekusonga kwalabasihlanu niyawubhedvuka nonkhe nibaleke, nize nisale seninjengesibhonga lesisiboniso lesisele esicongweni sentsaba, nanjengendvwangu lephakanyiswe egcumeni.”

Isaya 51:20

Emadvodzana akho acalekile, adzindzibele ekugcineni kwato tonkhe titaladi njengenyamatane ibanjwe elugibeni. Emadvodzana akho ehlelwe yintfukutselo yaSimakadze, ahlaselwa kwekhutwa nguNkulunkulu wakho.

Isaya 66:15

Bukani la, Simakadze uta ngemlilo, netincola takhe temphi tifanana nesiwunguwungwana; uyawukwehlisa intfukutselo yakhe ngalokwesabekako, nekutsetsa kwakhe kute ngemalangabi emlilo.

Jeremiya 1:16

Ngiyawukhipha tigwebo tami esiveni sami ngenca yabo bonkhe bubi baso: ngekungifulatsela kwaso, ngekutfuncisa imphepho kulabanye bonkulunkulu, nangekukhonta loko lokwentiwe tandla tabo.

Jeremiya 19:4

Ngobe bangishiyile mine, benta lendzawo yaba yabonkulunkulu betive, bashise imihlatjelo kuyo kubonkulunkulu labangabati, bona kanye naboyisemkhulu, ngisho nemakhosi akaJuda, bagcwalise lendzawo ngengati lengenacala.

Levithikusi 26:38

Niyawufela emkhatsini webantfu betive, live letitsa tenu liyawunidla linicedze.

Malakhi 2:2

Naningalaleli, futsi naningatimiseli ngenhlitiyo yenu kutsi nihloniphe Libito lami, ngitanitfumelela sicalekiso, netibusiso tenu ngiticalekise. Yebo, vele sengiticalekisile, ngobe anikatimiseli enhlitiyweni yenu kutsi ningihloniphe,” kusho Simakadze longuSomandla.

Johane 3:36

Lokholwa yiNdvodzana, unekuphila lokuphakadze; kodvwa longakholwa yiNdvodzana, ute kuphila lokuphakadze; kodvwa lulaka lwaNkulunkulu lulengela etikwakhe.”

Dutheronomi 28:8

“Simakadze uyakwehlisela sibusiso etikwetincolobane tenu nasetikwako konkhe leniyawukwenta ngetandla tenu. Simakadze Nkulunkulu wenu uyawunibusisa kulelo live lanipha lona.

Dutheronomi 4:26

Ngibita lizulu nemhlaba kutsi kungifakazele lamuhla kutsi naningangilaleli, niyawunyamalala masinyane emhlabeni. Ningeke nikhonse kulelo live lelingesheya kwemfula iJordane lenewelela kuyawulidla. Niyawubhujiswa niphele.

1 kubaseThesalonika 2:16

Adzimate asivimbela nekutsi sishumayele insindziso kubetive. Ngaloko-ke imihla nemalanga atengetela tono. Kodvwa ekugcineni lulaka lwaNkulunkulu seluze lwabehlela.

Joshuwa 23:16

Nanisephula lesivumelwane saSimakadze Nkulunkulu wenu, laniyale ngaso, nahamba nakhonta labanye bonkulunkulu, nakhotsama embikwabo, intfukutselo yaSimakadze itanivutsela, nibhubhe ngekushesha kulelive lelihle laniphe lona.”

Tikhulu 2:15

Kwakutsi njalo baka-Israyeli nabaya kuyakulwa, sandla saSimakadze sibahlanekele njengobe abefungile kubo. Babaselusizini lolukhulu.

1 Samuweli 14:20

Sawula nawo onkhe emadvodza akhe bahlangana, baviva, baya emphini. Bakhandza emaFilisti asasangene, agwazana odvwana ngetikhali tawo.