Dutheronomi 27:26 - Siswati 1996 Bible

²⁶ “ ‘Ucalekisiwe umuntfu longawemukeli emavi alomtsetfo ngekutsi awente.’ “Bonkhe bantfu bayawuphendvula batsi: ‘Amen.’ ”

Dutheronomi 27:26 Iomraidhean Croise

2 Emakhosi 22:13

“Hambani niyekungibutela kuSimakadze mine kanye nebantfu kanye nesive sonkhe sakaJuda macondzana naloko lokubhalwe kulencwadzi leseyitfolakele. Yinkhulu kabi intfukutselo yaSimakadze lesivutselako; ngobe bobabe abazange bawalalele emavi alencwadzi. Abazange bakwente konkhe loku lokubhalwe kuyo macondzana natsi.”

Ezra 7:26

Lowo longawuhloniphi umtsetfo waNkulunkulu kanye nemtsetfo wenkhosi kufanele ajeziswe ngekutsi abulawe, nome adzingiswe, nome adliwe konkhe lanako, nome afakwe ejele.”

Tihlabelelo 119:21

Uyabatsetsisa labatidlako; bacalekisiwe labedukile emiyalweni yakho.

Hezekeli 18:24

“Kodvwa nangabe lolungile agucuka ekulungeni kwakhe ente sono, ente tintfo letifananako netalomubi letisinengiso, utsi kambe lonjalo angaphila? Cha, kute nakunye kwetintfo letinhle latentile lokuyawukhunjulwa. Ngenca yekungetsembeki lasanelicala lako, nangenca yetono layawube asatentile, uyawukufa.

Matewu 25:41

“Iyawutsi kulaba labangesancele: ‘Khweshani kimi, nine labacalekisiwe, niye emlilweni waphakadze lolungiselwe Sathane netingilosi takhe!

KubaseRoma 10:5

Macondzana nekulunga lokutfolakala ngekugcina umtsetfo Mosi wabhala watsi: “Umuntfu lowenta lokufunwa ngumtsetfo uyawuphila ngako.”

1 kubaseKorinthe 16:22

Nangabe umuntfu angayitsandzi iNkhosi, akabe ngulocalekisiwe Wota Nkhosi!

2 kubaseKorinthe 3:9

Nangabe inkonzo yemtsetfo leletsa kulahlwa yefika nenkhatimulo lengaka, iyawuba yinkhulu kangakanani-ke inkhatimulo yalenkonzo lesenta silungelane naNkulunkulu?

KubaseGalathiya 3:10

Bonkhe labetsembele ekwenteni lokufunwa ngumtsetfo bangephansi kwesicalekiso, ngobe kubhaliwe kutsi: “Bacalekisiwe bonkhe labangagcini konkhe lokubhaliwe emculwini wemtsetfo, kutsi bakwente.”

Dutheronomi 27:15

“ ‘Ucalekisiwe umuntfu lobata sitfombe nome ente sithico, intfo lesinengiso kuSimakadze, umsebenti wengcweti yetekubata ngetandla, akubeke ngasense endzaweni lesitsekile.’ “Bonkhe bantfu bayawuphendvula batsi: ‘Amen.’