Dutheronomi 24:16 - Siswati 1996 Bible

¹⁶ “Boyise abayiwubulawa ngenca yebantfwana babo, nebantfwana futsi abayiwubulawa ngenca yaboyise babo; ngulowo muntfu uyawutifela yena ngesono sakhe.

Dutheronomi 24:16 Iomraidhean Croise

2 Tikhronike 25:4

Noko akazange awabulale emadvodzana ato, kodvwa wenta njengobe kubhaliwe emtsetfweni, encwadzini yaMosi, lapho Simakadze ayala khona, watsi: “Boyise abayikubulawa ngenca yebantfwababo, kanjalo nebantfwana abayikubulawa ngenca yaboyise; nguloyo muntfu uyawufela takhe tono.”

Hezekeli 18:20

Umuntfu lowonako nguye loyakufa. Indvodzana ngeke iletfwale licala leyise, futsi neyise ngeke aletfwale licala lendvodzana. Kulunga kwalolungile kuyawukhokhelwa ngalokuhle kuye, nebubi balomubi buyawubitwa kuye.

Hezekeli 18:4

Ngobe wonkhe umuntfu lophefumulako, wami, uyise kanye nemsa wakhe, bonkhe ngalokufananako, bami. Umuntfu lowonako nguye loyakufa.

Danyela 6:24

Inkhosi yakhipha umyalo, kwaletfwa kuyo onkhe lamadvodza labebeke Danyela licala ngekumcalela emanga, ajikijelwa emgodzini wemabhubesi, wona, nabomkawo, kanye nebantfwabawo. Emabhubesi atseleka etikwabo, abadzabudzabula abacedza bangakefiki ngisho nasesiyilweni salomgodzi wemabhubesi, ababhasha ngisho nematsambo abo.

Numeri 26:11

Noko intalelwane yaKhora ayizange ife iphele.

1 Samuweli 22:16

Kodvwa inkhosi yatsi: “Utakufa nome kanjani, wena Ahimeleki, kanye nayo yonkhe indlu yeyihlo.”