Dutheronomi 23:14 - Siswati 1996 Bible

¹⁴ Ngobe Simakadze Nkulunkulu wenu wehla enyuka emkhatsini wenu enkambu, entela kunivikela nekwetfula titsa tenu etandleni tenu. Inkambu yenu kufanele ibe ngcwele, khona angetiwukhandza lutfo lolubi emkhatsini wenu, aze ancandzeke anifulatsele.”

Dutheronomi 23:14 Iomraidhean Croise

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

Genesisi 3:8

Ekupholeni kwelilanga beva Nkulunkulu Simakadze ahambahamba ensimini; bo-Adamu nemkakhe bambhacela Nkulunkulu Simakadze emkhatsini wetihlahla tensimi.

Tihlabelelo 46:5

Nkulunkulu uhlala kulelo khaya, lingeke litanyatanyiswe, Nkulunkulu uyawulisita ekuseni entsatsakusa.

Eksodusi 3:5

Nkulunkulu watsi: “Ungasasondzeli, khumula tincabule takho, ngobe lendzawo lome kuyo ingumhlabatsi longcwele.

Levithikusi 26:12

Ngiyawuhamba emkhatsini wenu ngibe nguNkulunkulu wenu, nine nibe sive sami.

2 kubaseKorinthe 6:16

Nhlanganyelo yini lesemkhatsini welithempeli laNkulunkulu netithico? Ngobe tsine silithempeli laNkulunkulu lophilako; njengobe Nkulunkulu watsi: “Ngiyawuhlala kubo, ngihambe emkhatsini wabo; ngiyawuba nguNkulunkulu wabo, bona bayawuba sive sami.”

Dutheronomi 23:13

Nibotiphatsela intfo yekumba, khona niyawutsi nase nitikhululile, nimbe umgodzi wekugcibedzela lamangcoliso enu.

Sembulo 20:9

Tenyuka tahlakateka nemhlaba wonkhe, tafike tatungeleta inkambu yebantfu baNkulunkulu nemuti lotsandzekako. Kwehla umlilo uphuma ezulwini, watidla tonkhe.