Dutheronomi 18:9 - Siswati 1996 Bible

⁹ “Nase ningena kulelive Simakadze Nkulunkulu wenu lanipha lona, ningacali nifundze kulingisa imikhuba lenengekako yaleto tive talapho.

Dutheronomi 18:9 Iomraidhean Croise

2 Emakhosi 17:11

Kuto tonkhe letindzawo letiphakeme, babetfuncisa imphepho njengaletive Simakadze latidvungulula ngesikhatsi ema-Israyeli efika. Benta tintfo letimbi letamcunula Simakadze waze watfukutsela.

2 Emakhosi 17:8

balandzela imikhuba yaleto tive Simakadze labetidvungulule nabefikako, benta nemikhuba lemisha leyayentiwa ngemakhosi aka-Israyeli.

2 Tikhronike 28:3

Watfuncisa imphepho eSigodzini sakaBheni Hinomu, wanikela ngemadvodzana akhe kutsi ashiswe ngemlilo; alandzela imikhuba lesinengiso yaletive takhona Simakadze labeticoshe ngesikhatsi nakufika ema-Israyeli.

2 Tikhronike 36:14

Ngetulu kwaloko bonkhe baholi bebaphristi nesive sonkhe sachubeka nekungetsembeki, balandzela yonkhe lemikhuba lenengekako yebetive, balingcolisa lithempeli laSimakadze labelingcwelisile eJerusalema.

Jeremiya 10:2

Naku lokushiwo nguSimakadze, utsi: “Ningatifundzi tindlela tebetive nome-ke netfuswe tibonakaliso letisesibhakabhakeni, nome ngabe tive tiyatfutfumela ngato.

Levithikusi 18:30

“ ‘Gcinani lemiyalo yami, ningayilandzeli lemikhuba nemasiko lababewenta nisengakafiki. Ningatingcolisi ngayo. NginguSimakadze, Nkulunkulu wenu.’ ”

Dutheronomi 20:18

Ngaphandle kwaloko titawunifundzisa kutsi nilandzele tonkhe leto tintfo letinengekako letitentako natikhonta tithico tato, bese niyona kuSimakadze Nkulunkulu wenu.

Dutheronomi 9:4

“Simakadze Nkulunkulu wenu uyawutsi angaticosha embikwenu, nine-ke ningabosho enhlitiyweni yenu nitsi: ‘Simakadze ungiletse lapha ngitewudla lelive libe lami ngenca yekulunga kwami.’ Cha, akunjalo; kuye ngebubi baletive kutsi Simakadze aticoshe embikwenu.

Dutheronomi 9:5

Akukayi ngekulunga kwenu nome ngebucotfo benu kutsi nihambe niyekudla lelive lato; kodvwa kuye ngebubi baletive kutsi Simakadze Nkulunkulu wenu aticoshe embikwenu, kuze kufezeke loko lakufungela kubokhokho benu bo-Abrahama, na-Isaka, naJakobe.