Danyela 7:25 - Siswati 1996 Bible

²⁵ Iyawukhuluma ihlambalate Longetulu Kwako Konkhe, icindzetele labangcwele bakhe, yetame kugucula tikhatsi temikhosi lemisiwe nemitsetfo. Labangcwele bayawunikelwa kuyo kube sikhashana, netikhatsi, nencenye yesikhatsi.

Danyela 7:25 Iomraidhean Croise

Isaya 37:23

Ngubani lona lometfukile wamhlambalata? Ngubani lona bewumbhodlela umetfwalela emehlo? NguLongcwele waka-Israyeli!

Danyela 11:28

Inkhosi yasenyakatfo iyawujika ibuyele eveni layo seyinjinge kakhulu. Kodvwa inhlitiyo yayo iyawube imelene nesivumelwane lesingcwele. Iyawusitsatsela tinyatselo, bese ibuyela emuva eveni layo.

Danyela 12:7

Lomuntfu labegcoke telineni, labesetikwalamanti emfula, waphakamisa sandla sakhe sekudla nesancele, watibhekisa ezulwini, ngamuva afunga ngaye lophila phakadze atsi: “Kuyawuba ngiminyaka lemitsatfu nesigamu. Nakuphelela kuhlushwa kwebantfwana baNkulunkulu, tonkhe letintfo tiyawube setentekile.”

Danyela 2:21

Ugucula tikhatsi netikhatsi temnyaka; ubeka emakhosi aphindze awehlise. Ubanika kuhlakanipha labahlakaniphile, anike lwati kulabacondzako.

Danyela 3:26

Nebukhadnezari wasondzela emnyango walomlilo lowesabekako nalohhumako longemalangabi lavutsako, wamemeta, watsi: “Shadraki, naMeshaki, nawe Abednego, nine tinceku taNkulunkulu Longetulu Kwako Konkhe, phumani! Wotani lapha!” Ngako boShadraki, naMeshaki, na-Abednego baphuma emlilweni,

Danyela 4:17

“ ‘Sincumo simenyetelwa titfunywa; labangcwele bamemetela sigwebo, kuze kutsi labaphilako bati kutsi Longetulu Kwako Konkhe wengamele yonkhe imibuso yebantfu, futsi uyinika nome ngubani latsandza kumupha yona, bese ubeka etikwayo labo labatfobeke kakhulu kunabo bonkhe bantfu.’

Danyela 4:2

Ngiyajabula kutsi nginitjele ngaletibonakaliso letimangalisako netimangaliso latentele mine, Nkulunkulu Longetulu Kwako Konkhe.

Danyela 4:25

Utawucoshwa emkhatsini webantfu, uhlale netilwane tesiganga; utawudla tjani njengetinkhomo, unetfwe ngematolo asezulwini. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele imibuso yonkhe yebantfu, uyinika nome ngubani lowo latsandza kumupha yona.

Danyela 4:32

Wena sewutawukhishwa emkhatsini webantfu, uyewuhlala emkhatsini wetilwane tesiganga; utawudla tjani njengetinkhomo. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele yonkhe imibuso yebantfu, nekutsi uyinika nome ngubani umuntfu latsandza kumupha yona.”

Danyela 7:18

Kodvwa labangcwele balowo Longetulu Kwako Konkhe bayawunikwa umbuso loyawuba ngewabo phakadze naphakadze, yebo, waphakadze naphakadze.’

Danyela 7:20

Ngabuta futsi nangaletimphondvo letatilishumi letatisenhloko yaso, nangalolu lolunye luphonjwana lolwase luyamila, lapho kwatsi letintsatfu takucala tase tiyahhohloka embikwalo, loluphondvo lwalunemehlo nemlomo lowawukhuluma ngekutigabatisa kantsi lwalubukeka lwengama leti letinye.

Danyela 7:8

“Ngatsi ngisacabanga ngaletimphondvo, ngase ngibona sekunalolunye luphondvo embikwami, luluncane, lolwamila nje emkhatsini wato; kwatsi letintsatfu taleta tekucala timphondvo tazuphuneka embikwalo. Lolu-ke luphonjwana lwase lunemehlo lanjengewemuntfu, nemlomo lowawukhuluma ngekutigabatisa.”

Danyela 8:11

Lwatikhulisa lona kutsi lube lukhulu lube ngangembusi walamabutfo, lwasusa imihlatjelo yemalanga onkhe kuye, nendzawo yakhe lengcwele yehliselwa phansi.

Danyela 8:14

Watsi kimi: “Kuyawutsatsa tikhatsi tekuhlwa netekusa letiti-2 300. Ngulapho-ke lithempeli liyawuhlanjululwa kabusha khona.”

Danyela 8:9

Kwatsi kulolunye lwato kwamila lolunye luphondvo, lolwacala luluncane, kodvwa lwakhula ngemandla kuya ngaseningizimu, nangasemphumalanga, nangaseveni lelihle.

Danyela 9:27

Lombusi uyawuvumela sivumelwane nalabanyenti ngesikhatsi sinye, kodvwa ekhatsi naleso sikhatsi uyawucedza umhlatjelo nemnikelo. Uyawubeka sinengisoncitsakalo esicongweni selithempeli, kuze sitfululelwe kuye siphetfo lesimisiwe.”

Hoseya 7:16

Abagucukeli kuLongetulu Kwako Konkhe; bafanana nebutjoki lobungakacini. Baholi babo bayawubulawa ngenkemba ngenca yemagama abo langenanhlonipho. Ngenca yaloko bayawuba luhleko nelihlazo eveni laseGibhithe.”

2 kubaseThesalonika 2:3

Ningayengwa ngumuntfu nome ngani, ngobe lelo langa lingeke lifike kungakefiki kuhlubuka lokukhulu kucala, kwembulwe umuntfu longenamtsetfo, indvodzana yekubhujiswa.

2 kubaseThesalonika 2:4

Lowo uyakuhlala aphika atiphakamise ngetulu kwako konkhe lokubitwa ngaNkulunkulu nome lokukhontwako, kuze atewuhlala endzaweni lengcwele yaNkulunkulu, atigabatise yena ngekutsi unguNkulunkulu.

2 kubaseThesalonika 2:8

bese-ke lowo longenamtsetfo uyembulwa; Jesu iNkhosi uyawumbhubhisa ngemoya wemlomo wakhe, amcedze ngekubonakala kwenkhatimulo yekufika kwakhe.

Sembulo 12:14

Kodvwa lomfati wanikwa timphiko letimbili telusweti lolukhulu, kuze atewundiza abalekele lenyoka aye ehlane endzaweni lapho kufanele ondliwe khona, kuze kube sikhatsi netikhatsi nencenye yesikhatsi.

Sembulo 12:6

Lomfati wabaleka waya ehlane, lapho Nkulunkulu amlungiselela indzawo yekutsi anakekelwe emalanga layi-1 260.

Sembulo 14:12

Loku kubita kucinisela kwalabangcwele, labo labagcina imiyalo yaNkulunkulu nekukholwa nguJesu.

Sembulo 16:6

Bantfu bacitse ingati yalabangcwele, neyebaphrofethi, ngako sewubanike ingati kutsi bayinatse. Kubafanele loko!”

Sembulo 17:6

Ngabona kutsi lomfati abesadzakwe yingati yalabangcwele, nengati yalabo labafela kufakaza ngaJesu. Ngatsi nangimbona lomfati, ngamangala kakhulu.

Sembulo 18:24

Kwatfolakala kuwe ingati yebaphrofethi, neyalabangcwele, neyabo bonkhe lababulawa emhlabeni.”