Danyela 6:24 - Siswati 1996 Bible

²⁴ Inkhosi yakhipha umyalo, kwaletfwa kuyo onkhe lamadvodza labebeke Danyela licala ngekumcalela emanga, ajikijelwa emgodzini wemabhubesi, wona, nabomkawo, kanye nebantfwabawo. Emabhubesi atseleka etikwabo, abadzabudzabula abacedza bangakefiki ngisho nasesiyilweni salomgodzi wemabhubesi, ababhasha ngisho nematsambo abo.

Danyela 6:24 Iomraidhean Croise

2 Emakhosi 14:6

Noko, akazange awabulale emadvodzana alamajabhane, kodvwa wenta njengobe kubhaliwe encwadzini yemtsetfo waMosi, lapho Simakadze ayala khona, watsi: “Boyise abayikubulawa ngenca yetono tebantfwababo, kanjalo nebantfwana abayikubulawa ngenca yetono taboyise; ngulowo nalowo uyawufela takhe tono.”

Esta 7:10

Ngako Hamani walengiswa kuleso sigodvo bekasigawulele kulengisa Modekhayi. Kutfukutsela kwenkhosi kwabotja.

Esta 9:10

emadvodzana lalishumi aHamani, umsa waHamedatha, sitsa semaJuda. Noko akazange asibeke sandla sakhe etimphahleni tetitsa tawo kutsi atiphange.

Esta 9:25

Kodvwa Esta waya enkhosini, inkhosi yakhipha umtsetfo lowawubhalwe phansi, lekwatsi umphumela wawo Hamani nemadvodzana akhe wavuna labekuhlanyelele emaJuda, yena nemadvodzana akhe balengiswa entsanjeni benekelwa live.

Tihlabelelo 54:5

Uyawungenanela etitseni tami letenta lokubi, ticitse ngekwetsembeka kwakho.

Taga 11:8

Umuntfu lolungile uvikelekile etinhluphekweni; kodvwa umuntfu lomubi tiyamehlela.

Taga 19:9

Fakazi locala emanga angeke ahlale angajeziswa, nalowo lotfulula emanga uyawubhubha.

Isaya 38:13

Ngilindzile ngekubeketela kwaze kwadzabuka kusa; kodvwa yena njengelibhubesi uwabhobabhobe onkhe ematsambo ami. Busuku nemini wetamana nekungicedza.

Jeremiya 34:17

“Ngako-ke, naku lokushiwo nguSimakadze, utsi: Anikangilaleli; anikayimemeteli inkhululeko yebantfu bakini. Ngako manje sengimemetela ‘inkhululeko’ yenu, kusho Simakadze, ‘inkhululeko’ yekubulawa ngenkemba, nangesifo lesibulalanako kanye nangendlala. Ngiyawunenta nenyanyeke kuyo yonkhe imibuso yemhlaba.

Danyela 3:22

Lomlayeto wenkhosi bewuphutfuma kakhulu, nalamalangabi emlilo lowesabekako nalohhumako abesashisa kangangekutsi lamalangabi alomlilo adzimate abulala wona lamadvodza labejikijele boShadraki, naMeshaki, na-Abednego ekhatsi kuwo,

Dutheronomi 24:16

“Boyise abayiwubulawa ngenca yebantfwana babo, nebantfwana futsi abayiwubulawa ngenca yaboyise babo; ngulowo muntfu uyawutifela yena ngesono sakhe.