Danyela 3:20 - Siswati 1996 Bible

²⁰ watfuma lamanye emadvodza emphi labenemandla kakhulu kutsi abophe boShadraki, naMeshaki, na-Abednego bese abajikijela ekhatsi kulamalangabi emlilo lohhumako.

Danyela 3:20 Iomraidhean Croise

Danyela 1:7

Lendvuna yawetsa emabito lamasha: Danyela yatsi nguBhelteshasari, Hananiya yatsi nguShadraki, Mishayeli yatsi nguMeshaki, Azariya yatsi ngu-Abednego.

Danyela 3:15

Manje, naniva umsindvo wempalampala, newemntjingozi, newezitha, newelire, newehabhu, newetimveve, newato tonkhe tinhlobo tekuhlabela, nase nilungele kuwa nikhotsame kulesithico segolide lengisimisile, kulungile. Kodvwa naningasikhotsameli, nitawujikijelwa ngekushesha lokukhulu ekhatsi kulamalangabi emlilo lowesabekako nalohhumako. Ngumuphi-ke lowo nkulunkulu lotaba nemandla ekunephula esandleni sami?”

Danyela 3:19

Nebukhadnezari watfukutselela boShadraki, naMeshaki, na-Abednego, nesimo sakhe kubo sagucuka. Watfumela kutsi kubaswe lamalangabi emlilo lowesabekako nalohhumako kutsi ushise ngalokuphindvwe kasikhombisa,

Danyela 3:21

Ngako-ke lamadvodza labembetse imijiva yawo, nemabhuluko, nemishuculo, naletinye nje timphahla tawo aboshwa, ajikijelwa ekhatsi kulamalangabi emlilo lohhumako.

Imisebenti yebaPhostoli 16:23

Batsi sebashaywe imivimba leminyenti tase titsi abafakwe ejele, tayala umgcinijele kutsi abagcine kahle, abagadzisise.

Imisebenti yebaPhostoli 16:25

Kwatsi ekhatsi nebusuku boPawula naSilasi bathandaza bahlabela tingoma tekudvumisa Nkulunkulu, tiboshwa letinye tatibalalele.