Danyela 11:10 - Siswati 1996 Bible

¹⁰ Emadvodzana ayo ayawutilungiselela imphi, abutse emabutfo lamanyenti, lomunye wawo nemphi yakhe bayawukhukhula kungatsi sihhuhhula semvula, ayidvudvule imphi, badzimate bahlasele nenqaba yenkhosi yaseningizimu.

Danyela 11:10 Iomraidhean Croise

Isaya 25:12

Uyakudzilitela phansi tibondza takaMowabi letiphakeme naletitinqaba, atihhihlitele phansi; uyakutihhihlitela phansi elutfulini.

Jeremiya 51:42

Lwandle luyawukhuphukela etikweBhabhulona, emagagasi alo ladvumako ayawuyisibekela.

Danyela 11:22

Sikhukhula semphi lenkhulu siyawukhukhuleka sisuswe embikwakhe; kokubili, imphi kanye nesikhulu sesivumelwane, kuyawubhujiswa.

Danyela 11:26

Labo labadla kanye nenkhosi bayakwetama kuyibhubhisa, imphi yayo iyawukhukhuleka, labanyenti bayawufela emphini.

Danyela 11:7

“Kuyawuvela lomunye entalelwaneni yakabo loyawutsatsa sikhundla sayo. Uyawuhlasela emabutfo enkhosi yasenyakatfo, angene nasenqabeni yayo; uyawulwa nabo abehlule.

Danyela 11:9

Inkhosi yasenyakatfo iyawusuka ihlasele live lenkhosi yaseningizimu, kodvwa iyawubuyela eveni layo ilengise tandla.

Danyela 9:26

Emvakwetikhatsi letingema-62, Logcotjiwe uyawuncanyulwa, akayiwuba nalutfo. Bantfu bembusi lomunye loyawufika, bayawulibhubhisa lelidolobha kanye nelithempeli. Siphetfo siyawufika njengesihhuhhula semvula. Kuyawuchubeka kulwa kuze kube ngusekugcineni, kuyawube kwehle incitsakalo.