Danyela 1:2 - Siswati 1996 Bible

² Simakadze wanikela Jehoyakimu, inkhosi yakaJuda, kanye naletinye timphahla tasethempelini laNkulunkulu esandleni saNebukhadnezari. Letimphahla watetfwala watiyisa ethempelini lankulunkulu wakhe kulaseBhabhulona, wafike watibeka endlini yengcebo yankulunkulu wakhe.

Danyela 1:2 Iomraidhean Croise

Genesisi 10:10

Umbuso wakhe wacala ngeBhabheli, nase-Ereki, nase-Akhadi, konkhe kwakuseveni laseShinari.

Genesisi 11:2

Batsi basahambahamba ngasemphumalanga, bakhandza litsafa eveni laseShinari, bafike bahlala khona.

2 Emakhosi 24:1

Ngesikhatsi sekubusa kwaJehoyakimu, Nebukhadnezari, inkhosi yaseBhabhulona, wahlasela live. Jehoyakimu waba yinceku yaNebukhadnezari, iminyaka lemitsatfu. Kodvwa wabe sewugucula ingcondvo yakhe, wavukela Nebukhadnezari.

2 Tikhronike 36:5

Jehoyakimu abeneminyaka lengema-25 budzala, nakabekwa kuba yinkhosi. Wabusela eJerusalema iminyaka leli-11. Wenta lokubi emehlweni aSimakadze Nkulunkulu wakhe.

2 Tikhronike 36:7

Nebukhadnezari watsatsa netimphahla tasethempelini laSimakadze waya nato eBhabhulona, wafike watifaka ethempelini lakhe.

Ezra 1:7

Ngetulu kwaloko Khuresi, inkhosi, watikhipha tonkhe leto timphahla betitelithempeli laSimakadze, letatitfunjwe nguNebukhadnezari eJerusalema, asatibeke ethempelini lankulunkulu wakhe.

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 42:24

Ngubani lowanikela Jakobe kutsi abe yimphango, wanikela Israyeli kubaphangi? Kwakungesiye yini Simakadze lesone kuye? Ngobe abazange bahambe ngetindlela takhe, abazange bawulalele umtsetfo wakhe.

Jeremiya 25:1

Livi lefika kuJeremiya macondzana nabo bonkhe bantfu bakaJuda emnyakeni wesine wekubusa kwaJehoyakimu, umsa waJosaya, inkhosi yakaJuda, lekwakungumnyaka wekucala wekubusa kwaNebukhadnezari, inkhosi yaseBhabhulona.

Jeremiya 27:16

Ngabe sengikhuluma kubaphristi nakubo bonkhe labantfu, ngatsi: “Naku lokushiwo nguSimakadze, utsi: ‘Ningabalaleli baphrofethi labatsi: “Masinyane nje khona nyalo tintfo tasethempelini laSimakadze tiyawubuyiswa tisuka eBhabhulona.” Baphrofetha emanga kini.

Jeremiya 28:3

Ingakapheli nje iminyaka lemibili ngiyawutibuyisa kulendzawo tonkhe timphahla tasendlini yaSimakadze letatsatfwa nguNebukhadnezari, inkhosi yaseBhabhulona, latisusa lapha watiyisa eBhabhulona.

Jeremiya 35:11

Kodvwa kwatsi Nebukhadnezari, inkhosi yaseBhabhulona, navimbetela lelive, satsi: ‘Wotani, kufanele sihambe siye eJerusalema sitewubalekela emabutfo emaBhabhulona newema-Aramu.’ Nguko nje silapha eJerusalema.”

Jeremiya 50:2

“Memetelani nikhulume emkhatsini webetive, phakamisani siboniso semphi, nimemetele, ningafihli lutfo, kodvwa tsanini: ‘IBhabhulona itawutfunjwa, Bheli utawuhlazeka, Maduki yena agcwale kwesaba. Titfombe tayo tiyawuhlazeka netithico tayo tigcwale kwesaba.’

Jeremiya 51:44

Ngiyakumjezisa Bheli eBhabhulona, ngimente akuhlantele phansi konkhe loko lakumitile. Tive atisayikubekelela tiye kuye, nelubondza lwaseBhabhulona luyakuwa.

Danyela 5:13

Ngako Danyela wangeniswa embikwenkhosi, inkhosi yakhuluma kuye, yatsi: “Wena unguDanyela yini, lomunye webatfunjwa labatfunjwa ngubabe, inkhosi, leyabuya nabo kaJuda?

Danyela 5:18

“Nkhosi, Nkulunkulu Longetulu Kwako Konkhe wapha uyihlo Nebukhadnezari bukhosi, nebukhulu, neludvumo kanye nebukhatikhati.

Habakhuki 1:16

Ngako-ke benta umhlatjelo emanetheni abo ekuhudvula, bashisele imphepho emanetheni abo ekuhudvula, ngobe ngalamanetha abo badla ngaloludzala, batijabulise ngekudla kudla lokukhetsekile.

Zakhariya 5:11

Yangiphendvula, yatsi: “Baliyisa eveni laseBhabhulona, bayakulakhela indlu khona. Itakutsi nase ilungile lendlu, bese balibeka khona lapho endzaweni yalo.”

Dutheronomi 32:30

Kodvwa indvodza yinye ingawacosha kanjani emadvodza layinkhulungwane, nome-ke lamabili acoshe emadvodza latinkhulungwane letilishumi, ngaphandle kwekutsi Lidvwala labo libatsengisile, ngaphandle kwekutsi Simakadze ubanikele kubo?

Tikhulu 2:14

Intfukutselo yaSimakadze yabavutsela baka-Israyeli, wabanikela etandleni tebaphangi, tabaphanga. Wabanikela etandleni tetitsa tabo letatibatungeletile, bangabe basakwati ngisho nekutivikela kuto.

Tikhulu 3:8

Intfukutselo yaSimakadze yavutsela bema-Israyeli kangangekutsi wawatsengisa etandleni taKhushani Rishathayimu, inkhosi yaseMesophothamiya, lowagcilata ema-Israyeli iminyaka lesiphohlongo.

Tikhulu 4:2

Ngako Simakadze wawanikela kuJabini, inkhosi yaseKhenani, labebusa eHasori. Indvuna yemphi yakhe kwakunguSisera, labehlala eHaroshethi Hagoyimu.

1 Samuweli 5:2

Lelibhokisi lesivumelwane baletfwala bayakulifaka endlini yaDagoni, bafike balibeka eceleni kwalesithico sabo lesinguDagoni.