Amose 4:9 - Siswati 1996 Bible

⁹ “Sekukanyenti ngishaya tingadze tenu netivini tenu, ngatishaya ngemswenya nangasicencane. Sikhonyane sashaya sacotfula emakhiwa enu netihlahla tenu temincumo, kwaphela kwatsi nya, noko anikabuyeli kimi,” kusho Simakadze.

Amose 4:9 Iomraidhean Croise

1 Emakhosi 8:37

“Nangabe bahlaselwa yindlala kulelive labo, nome sifo lesibulalanako, nome sona, nome sikhutsa, nome sikhonyane, nome tintsetse, nome sitsa sibavimbetela nome ngukuliphi lalamadolobha abo, nome ngabe ngusiphi sehlakalo, nome sifo lesingabehlela,

2 Tikhronike 6:28

“Nangabe bahlaselwa yindlala kulelive labo, nome sifo lesibulalanako, nome sona, nome sikhutsa, nome sikhonyane, nome tintsetse, nome titsa tibavimbetela nome ngukuliphi lalamadolobha abo, nome ngabe ngusiphi sehlakalo, nome sifo lesingabehlela,

Isaya 1:5

Kona nisashayelwani nje? Nisachubekelani nekuhlubuka? Inhloko yenu yonkhe ilimele, nenhlitiyo yenu yonkhe ishayiwe.

Isaya 50:11

Kodvwa nyalo, nonkhe nine lenilumekela imilidlwana, nitentele nine tidlwane letivutsako, hambani-ke ningene kuloko kukhanya kwaleyo milidlwana yenu nekwaleto tidlwane tenu lesenitilumekele tona. Naku leniyawukutfola esandleni sami: Niyawulala phansi etinhlungwini letimatima.

Isaya 9:12

EmaSiriya ngasemphumalanga nemaFilisti ngasenshonalanga, asakhamisele kushwabudzela ema-Israyeli. Noko ngako konkhe loku lulaka lwakhe alukagucuki; sandla sakhe sisephakeme.

Jeremiya 3:10

Ngetulu kwako konkhe loko, dzadzewabo longetsembeki, Juda, akazange abuyele kimi ngayo yonkhe inhlitiyo yakhe, kodvwa kwaba ngekutentisa nje,” kusho Simakadze.

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Hoseya 11:5

“Bangeke yini babuyele eGibhithe, yona i-Asiriya ingeke yini ibuse etikwabo, njengobe naku bayala kuphendvuka?

Joweli 1:4

kutsi loko lokwasala nyakana welifu lesikhonyane sekudliwe tibotfo naloko lokusele kuletibotfo sekudliwe sigegedlana, naloko lokusele kulesigegedlana, sekudliwe tinkumbi.

Joweli 1:7

Lesive sibhubhise imivini yami, safohlota imikhiwa yami. Sebule emagcolo ayo, sawalahla le khashane, sashiya emagala ato amhlophe.

Joweli 2:25

“Ngitanikhokhela kuloko lokudliwe sikhonyane ngaleyo minyaka, loko lokwadliwa tibotfo nesigegedlana, nelifu letinkumbi, imphi yami lengayitfumela emkhatsini wenu.

Amose 4:6

“Ngimi lenganinika tisu letingenalutfo kuwo onkhe emadolobha enu, nekwesweleka kwesinkhwa emakhaya enu onkhe; kodvwa anikabuyeli kimi,” kusho Simakadze.

Amose 4:8

Bantfu badzayitela besuka kulelinye lidolobha baya kulelinye, bafunana nemanti, kodvwa abazange bawatfole lenele kutsi banganatsa baze bakholwe; noko anikabuyeli kimi,” kusho Simakadze.

Habakhuki 3:17

Nome sihlahla semkhiwa singahlumi, nemagelebisi kute esihlahleni semvini, nome umncumo ungatseli, nemasimi angasatitseli tivuno, nome sekute timvu esibayeni, netinkhomo sekute esibayeni,

Hagayi 2:17

Ngashaya yonkhe imisebenti yetandla tenu ngesikhutsa, nangekuhanguka, nangesangcotfo, noko nine anizange nigucukele kimi,’ kusho Simakadze.

Malakhi 3:11

Ngiyawuvimba tilwanyakatana kutsi tingatidli tilimo tenu, nemivini emasimini enu ingasali ite titselo,” kusho Simakadze longuSomandla.

Dutheronomi 28:22

Simakadze uyawunishaya ngetifo letibulalanako naletingelapheki, nangemikhuhlane kanye nangekushisa lokucacabukisa sikhumba; uyakunitfumelela somiso semoya loshisako nesikhutsa. Letintfo tiyakunihlasela niphele nya.

Dutheronomi 28:42

Emabulo esikhonyane ayawusibekela tonkhe tihlahla tenu netivuno telive lenu.