3 yaJohane 1:4 - Siswati 1996 Bible

⁴ Kute kujabula lengingaba nako lokwengca loko: kuva kutsi bantfwabami bahamba ecinisweni.

3 yaJohane 1:4 Iomraidhean Croise

1 Emakhosi 2:4

kuze naSimakadze asigcine setsembiso sakhe lasenta kimi nakatsi: ‘Nangabe titukulwane takho ticaphelisisa kutsi tiphila njani, nangabe futsi tihamba ngekwetsembeka embikwami ngayo yonkhe inhlitiyo nangawo wonkhe umphefumulo wato, ungeke umeswele umuntfu loyawuhlala esihlalweni sebukhosi saka-Israyeli.’

1 Emakhosi 3:6

Solomoni waphendvula watsi: “Wentela inceku yakho, Davide babe wami, umusa lomkhulu, ngobe yena abetsembekile kuwe futsi alungile anenhlitiyo lecotfo. Wena uchubeke nawo lomusa wakho kuye, waze wamupha nendvodzana yakhe letawuhlala esihlalweni sakhe sebukhosi lamuhla nje.

2 Emakhosi 20:3

“Awu, Simakadze, khumbula kutsi bengihamba ngekwetsembeka lokunjani embikwakho, nekutsi bengitinikele kangakanani embikwakho, ngayo yonkhe inhlitiyo yami, ngenta lokuhle emehlweni akho.” Hezekiya wakhala kabuhlungu.

Taga 23:24

Uyise wendvodzana lelungile uyajabula; nangabe indvodzana ihlakaniphile, uyise uyatfokota.

Isaya 38:3

“Awu, Simakadze, khumbula kutsi bengihamba ngekwetsembeka lokunjani embikwakho, nekutsi bengitinikele kangakanani embikwakho ngayo yonkhe inhlitiyo yami, ngenta lokuhle emehlweni akho.” Hezekiya wakhala kabuhlungu.

Isaya 8:18

Ngilapha mine kanye nalabo bantfwana Simakadze langiphe bona. Sitibonakaliso netimangaliso taSimakadze longuSomandla, esiveni sema-Israyeli, yena lohlala eNtsabeni iSiyoni.

2 kubaseKorinthe 6:13

Nyalo-ke, sengikhuluma njengeyise akhuluma kubantfwana bakhe, ngitsi: “Nani-ke, vulani tinhlitiyo tenu.”

KubaseGalathiya 2:14

Kodvwa ngatsi kube ngibone kutsi abasahambi khona ecinisweni leliVangeli, ngavele ngamtjela Phetro embikwabo bonkhe ngatsi: “Nangabe wena longumJuda, uphila njengebetive, hhayi njengemJuda, pho, yini ubacindzetele betive kutsi abaphile njengemaJuda?”

KubaseGalathiya 4:19

Bantfwabami, nginemhelo ngani, kuyawudzimate kwakheke Khristu kini.

1 kubaseThesalonika 2:11

Niyati nekutsi saniphatsa njani; saniphatsa njengendvodza iphetse bantfwabayo,

1 kuThimothi 1:2

Iya kuThimothi, umntfwanami sibili ekukholweni. Umusa, nebubele, nekuthula lokuvela kuNkulunkulu, longuBabe, nakuKhristu Jesu iNkhosi yetfu, akube nawe.

2 kuThimothi 1:2

Iya kuThimothi, umntfwanami lotsandzekako. Akube kuwe umusa, nebubele, nekuthula lokuvela kuNkulunkulu, longuBabe, nakuKhristu Jesu iNkhosi yetfu.

kuFilemoni 1:10

ngiyakuncenga mayelana na-Onesimuse, indvodzana yami, lengimtfole ngesikhatsi ngisejele.

1 yaJohane 2:1

Bantfwabami, nginibhalela loku khona ningetikona; kodvwa nangabe kukhona lotfuke enta sono, tsine sineMmeli kuYise, Jesu Khristu lolungile,

2 yaJohane 1:4

Maye, ngajabula, nangikhandza kutsi labanye bebantfwabakho bahamba ecinisweni, njengobe sayalwa nguBabe.