2 Tikhronike 7:9 - Siswati 1996 Bible

⁹ Kwatsi ngelilanga lesiphohlongo babamba lomkhulu umhlangano, ngobe bese bawugubhile umkhosi wekunikelwa kwelilati onkhe lamalanga lasikhombisa, nemkhosi sebawentile emalanga lasikhombisa ngetulu.

2 Tikhronike 7:9 Iomraidhean Croise

1 Emakhosi 8:2

Onkhe emadvodza aka-Israyeli abutsana kuSolomoni, inkhosi, ngesikhatsi semkhosi wenyanga ya-Ethanimu, inyanga yesikhombisa.

1 Emakhosi 8:65

Ngako-ke Solomoni wenta lomkhosi ngaleso sikhatsi kanye naso sonkhe sive sema-Israyeli, bekungumhlangano lomkhulu kakhulu, bantfu babephuma kusukela eLebo Hamathi kuze kuyewufika emfudlaneni waseGibhithe. Bawenta embikwaSimakadze Nkulunkulu wetfu emalanga lasikhombisa nemalanga lasikhombisa, emalanga lali-14 asawonkhe.

2 Tikhronike 30:23

Lonkhe lelo bandla lavuma kutsi liwugubhe lomkhosi emalanga lasikhombisa ngetulu; ngako baphindze bawugubha ngekujabula lomkhosi emalanga lasikhombisa ngetulu.

2 Tikhronike 7:10

Kwatsi ngelilanga lema-23 ngenyanga yesikhombisa Solomoni wase uyabacitsa bantfu, babuyela emakhaya abo bajabule kakhulu batsakasile etinhlitiyweni tabo ngaloko lokuhle Simakadze labekwentele Davide naSolomoni kanye naso sive sakhe sema-Israyeli.

Nehemiya 8:18

Lilanga ngelilanga kusukela kulekucala kwaze kwaba kulekugcina, Ezra abebafundzela kulencwadzi yemtsetfo waNkulunkulu. Lomkhosi bawugubha emalanga lasikhombisa, kwatsi ngelilanga lesiphohlongo bahlangana ndzawonye, njengobe kwakusho lomtsetfo.

Eksodusi 29:37

Loku ubokwenta onkhe lamalanga lasikhombisa. Lelilati litawuba ngcwele ngalokuphelele; lowo nome loko lokulitsintsako kutawulinyatwa ngemandla ebungcwele balo.”

Joweli 1:14

Memetelani kuzila lokungcwele, nimemetele umhlangano longcwele, butsani baholi kanye nabo bonkhe labahlala kulelive, nibabitele endlini yaSimakadze Nkulunkulu wenu, nikhale kuSimakadze.

Levithikusi 23:36

Emalanga lasikhombisa niyawube niletsa umnikelo lowentiwa ngemlilo kuSimakadze, ngelilanga lesiphohlongo niyawuba nemkhosi longcwele niletse umnikelo lowentiwa ngemlilo kuSimakadze; lowo ngumgidvo lomkhulu lapho ningayiwusebenta lutfo khona.

Numeri 7:10

Latsi kube lelilati ligcotjwe ngemafutsa, baholi baletsa iminikelo yabo yekulinikela, bayibeka embikwalo.

Dutheronomi 16:8

Niyawudla sinkhwa lesite imbiliso kuze kuphele emalanga lasitfupha, bese kutsi ngelilanga lesikhombisa nente umhlangano kuSimakadze Nkulunkulu wenu, ningatsintsi lutfo lolungumsebenti.”