2 Tikhronike 26:6 - Siswati 1996 Bible

⁶ Wahamba wayakulwa nemaFilisti, wabhidlita tibondza taseGathi, netaseJabne kanye netase-Ashdodi. Wase wakha kabusha emadolobha labesedvutane ne-Ashdodi nakuletinye tindzawo emkhatsini wemaFilisti.

2 Tikhronike 26:6 Iomraidhean Croise

2 Samuweli 8:1

Kwatsi emvakwaloko, Davide wahlasela emaFilisti, wawehlula, wawemuka emandla ekutibusa wona eveni, watsatsa neMethegi Ama, wayikhipha ekubusweni ngemaFilisti.

1 Tikhronike 18:1

Kwatsi emvakwaloko, Davide wahlasela emaFilisti wawehlula, wawemuka emandla ekutibusa eveni, watfumba iGathi kanye nemiti yayo leyayiyitungeletile, wayikhipha ekubusweni ngemaFilisti.

2 Tikhronike 11:8

neGathi, neMaresha, neZifu,

2 Tikhronike 21:16

Simakadze wavusa butsa emkhatsini waJehoramu netive temaFilisti nema-Arabu labehlala edvutane nemaKushe.

Isaya 14:29

“Ningajabuli, nine nonkhe maFilisti, ngobe nitsi lendvuku leyanishaya seyephukile; nanjengobe lokumila kusuka emphandzeni bese kutsela titselo, kanjalo nasenyokeni kuyawuvela libululu lelinesihlungu kabi.

Isaya 20:1

Ngemnyaka indvuna lenkhulu yemphi, leyayitfunywe nguSagoni, inkhosi yase-Asiriya, yefikela e-Ashdodi, yayihlasela, yayitfumba,

Amose 1:8

Ngitayibhubhisa inkhosi yase-Ashdodi nalowo lophetse indvuku yebukhosi e-Ashkeloni. Ngitayivukela i-Ekroni, ngiwabhubhise onkhe emaFilisti kungasali namunye,” kusho iNkhosi Simakadze.

Amose 6:2

Kutsiwa: “Hambani niye eKhalne, niye kuyibuka. Nibosuka lapho nicondze eHamathi lenkhulu, nisuke lapho nehlele eGathi yaseFilistiya! Nine nincono yini kunaleyo mibuso? Live labo lalilikhulu yini kunelenu?”

Joshuwa 15:11

Wawuhamba ucondze eceleni kweligcuma lelingasenyakatfo ne-Ekroni ujikele eShikheroni, wendlule ugudle iNtsaba iBhala ufike eJabniyeli. Umnyele wawugcina elwandle.

Joshuwa 15:47

I-Ashdodi yaba kanye netabelo nemiti leyitungeletile; iGaza yaba kanye netabelo nemiti leyitungeletile, kuze kuyewufika emfudlaneni waseGibhithe nelusentse lweLwandle Lolukhulu.

1 Samuweli 5:1

Atsi kube emaFilisti alitfumbe libhokisi lesivumelwane saNkulunkulu, alitsatsa e-Ebheni Eza alimikisa e-Ashdodi.

1 Samuweli 5:6

Sandla saSimakadze saba matima kubantfu base-Ashdodi nakubomakhelwane bayo; wabaletsela imbhubhiso, wabashaya nangematfumba.