2 Samuweli 18:27 - Siswati 1996 Bible

²⁷ Logadzi watsi: “Kushangatsi kimi lona logijima embili, ngu-Ahimasi, umsa waSadoki.” Inkhosi yatsi: “Yindvodza-ke leyo; uta netindzaba letimnandzi.”

2 Samuweli 18:27 Iomraidhean Croise

2 Samuweli 18:26

Logadzi waphindze wabona lenye ichamukile nayo ngematubane, wamemeta lona losesangweni ngaphansi, watsi: “Bukela nansiya lenye indvodza nayo igijima yodvwana!” Inkhosi yatsi: “Nayo kufanele kube ita netindzaba letimnandzi.”

1 Emakhosi 1:42

Watsi asakhuluma nje, kwefika Jonathani, umsa wa-Abiyatha, umphristi. Adoniya watsi: “Ngena. Indvodza leyetsembeke njengawe ifanele kuta netindzaba letimnandzi.”

2 Emakhosi 9:20

Lomahlalesangweni wabika watsi: “Sigijimi sesifikile kubo, kodvwa naso asisabonakali kubuya. Lokugijima ngencola yemphi kubonakala shangatsi kwaJehu, umsa waNimshi, ugijimisa kweluhlanya.”

Taga 25:13

Sitfunywa lesetsembekile sijabulisa lowo lositfumile, njengemanti lacandzako ehlobo; yebo, sihlumelelisa umoya wenkhosi yaso.

Taga 25:25

Tindzaba letimnandzi letiphuma eveni lelikhashane tifanana nemanti lacandzako emphefumulweni lokhatsele.

Isaya 52:7

Maye, tinhle etintsabeni tinyawo talabo labashumayela tindzaba letimnandzi, labamemetela kuthula, baletse tindzaba letimnandzi, bamemetele insindziso kuyo iSiyoni, batsi: “Nkulunkulu wakho uyabusa!”

KubaseRoma 10:15

Bangashumayela njani bangakatfunywa? Njengobe kubhaliwe kutsi: “Maye, tinhle tinyawo talabo labashumayela liVangeli.”