2 Samuweli 17:20 - Siswati 1996 Bible

²⁰ Tindvuna taka-Absalomu tatsi natifika kulomfati walendvodza, tambuta tatsi: “Baphi bo-Ahimasi naJonathani?” Lomfati watiphendvula watsi: “Bewelele ngesheya kwalomfudlana.” Letindvuna tabafuna, kodvwa atizange tibatfole; tagcina tibuyele emuva eJerusalema.

2 Samuweli 17:20 Iomraidhean Croise

2 Samuweli 15:34

Kodvwa nawungancandzeka ubuyele edolobheni ufike ukhulume ku-Absalomu utsi: ‘Ngitawuba yinceku yakho, nkhosi; kadze ngiyinceku yeyihlo, kodvwa manje ngitawuba yinceku yakho,’ ngaleyo ndlela utangisita ekugwegwiseni teluleko ta-Ahithofeli.

Eksodusi 1:19

Babelekisi bayiphendvula inkhosi batsi: “Bafati bemaHebheru abafanani nebafati bemaGibhithe. Bafati bemaHebheru banemandla, babeleka masinyane umbelekisi asengakefiki.”

Levithikusi 19:11

“ ‘Ningebi, ningakhohlisani. Ningacalelani emanga.

Tikhulu 4:20

Sisera wakhuluma kulomfati, watsi: “Mani emnyango welithende; nakukhona lofikako akubute kutsi ukhona yini umuntfu lokhona lapha ngekhatsi, ubotsi: ‘Kute.’ ”

1 Samuweli 21:2

Davide waphendvula Ahimeleki, umphristi, watsi: “Inkhosi ingitfume indzaba letsite, yatsi: ‘Kufanele kubete lowatiko ngemsebenti wakho.’ Mine-ke lamadvodza akami ngiwatjele kutsi abongihlangabeta endzaweni letsite.