2 Samuweli 16:12 - Siswati 1996 Bible

¹² Mhlawumbe Simakadze uyawukubona kuhlupheka kwami, angivuze ngalokuhle kuletinhlamba lengititfola lamuhla nje.”

2 Samuweli 16:12 Iomraidhean Croise

2 Samuweli 16:13

Ngako Davide nemabutfo akhe bachubeka nendlela yabo, wabe naShimeyi abaphekeletela ngeticalekiso, ahamba ngetulu egcumeni abajikijela ngematje, abatsela nangemhlabatsi.

2 Emakhosi 19:4

Kungenteka kube Simakadze Nkulunkulu wakho utaweva onkhe emavi endvuna lenkhulu yemphi, letfunywe ngumphatsi wayo, inkhosi yase-Asiriya, kutsi itewuhlazisa Nkulunkulu lophilako, nekutsi yena utayitsetsisela emavi Simakadze Nkulunkulu wakho lawevile. Ngako-ke thandazela lensali lesolomane isasele.’ ”

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 109:28

Bona bangangicalekisa, kodvwa wena utangibusisa. Shangatsi labangihlaselako bangehluleka, shangatsi mine, nceku yakho, ngingatfokota.

Tihlabelelo 132:1

Yebo, Simakadze, khumbula Davide, kanye nato tonkhe tinhlupheko takhe.

Tihlabelelo 25:18

Buka kuhlupheka kwami nekukhandleka kwami, ungitsetselele tonkhe tono tami.

Taga 25:22

Ngekwenta loko utawube usidlisa ngemahloni, Simakadze utakuvuza.

Taga 26:2

Njengancedze londiza angahlali, nenkonjane lendiza ingahlali, sinjalo sicalekiso; asimehleli umuntfu longakasifaneli.

Isaya 27:7

Kungabe kambe, Simakadze umgadlile, njengaloku agadla labo labamgadlako? Ngabe kambe sewubulewe yini njengekubulawa kwalabo lababulala yena?

Joweli 2:14

Ngubani lowatiko? Mhlawumbe angaba nesihawu, ashiye sibusiso, bese kuba ngiminikelo yalokutinhlavu neyetinatfo yaSimakadze Nkulunkulu wenu.

KubaseRoma 8:28

Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.

2 kubaseKorinthe 4:17

Ngobe lolusizi lwetfu luncane futsi lwesikhashana, lusilungiselela inkhatimulo lengenawulinganiswa, yaphakadze.

Dutheronomi 23:5

Kodvwa noko Simakadze Nkulunkulu wenu akazange afune kulalela Bhalamu, wagucula lesicalekiso saba sibusiso kini, ngobe Simakadze Nkulunkulu wenu uyanitsandza.

Dutheronomi 23:6

Ningacali nisente nabo sivumelwane sekuthula nekuvana nabo, yingci nanisaphila.

2 kubaseThesalonika 1:7

bese uletsa kuphumula kini nine lenihluphekako, kanye nakitsi ngesikhatsi iNkhosi Jesu yembulwa ivela ezulwini, ikanye netingilosi tayo letinemandla.

KumaHebheru 12:10

Phela bobabe babesiyala kwesikhashana ngekubona kwabo, kodvwa yena usiyalela kutsi kutewusitakala tsine, kuze sibe nesabelo ebungcweleni bakhe.

1 Samuweli 1:11

Wenta setsembiso, watsi: “Awu, Simakadze Somandla, nawungamane ubukisise lusizi lwencekukati yakho, ungikhumbule, ungayikhohlwa incekukati yakho, kodvwa incekukati yakho uyiphe indvodzana, leyo ndvodzana ngiyakunikela ngayo kuSimakadze, tonkhe tinsuku tekuphila kwayo, kuyawubate insingo leyawutsintsa inhloko yayo.”