2 Samuweli 13:28 - Siswati 1996 Bible

²⁸ Absalomu wakhuluma kuletinceku takhe, watsi: “Lalelani! Utakutsi Amnoni nasanatse waze wativa asamnandzi, ngitsi kini: ‘Jubani Amnoni afe,’ nibombulala. Ningesabi, ngobe leligunya nalamandla ninikwa ngimi. Cinani nibe nesibindzi.”

2 Samuweli 13:28 Iomraidhean Croise

Genesisi 9:21

Wanatsa liwayini, wadzakwa, wadzimate walala ngcunu, ethendeni lakhe.

2 Samuweli 11:13

Davide wammema kutsi atewudla kanye naye ekudleni kwakusihlwa, wamklinkla ngetjwala, entela kutsi adzakwe. Kodvwa nangalobo busuku Uriya akazange aye ekhaya lakhe, wesuka walala kanye naletinye tinceku tenkhosi yakhe esigodlweni.

2 Samuweli 11:15

Kulencwadzi abebhale watsi: “Beka Uriya embili lapho imphi ishisa ngakhona. Bese niyakhwesha kuye, nentele kutsi atewubulawa.”

2 Samuweli 12:10

Ngako-ke inkemba ingeke iphindze isuke endlini yakho, ngobe wedzelele mine ngekutsatsa umka-Uriya, umHethi, umente umkakho.’

2 Samuweli 13:27

Kodvwa Absalomu wachubeka wamncenga, waze wamvumela; Amnoni wahamba nalabanye bantfwabenkhosi.

2 Samuweli 14:6

Mine, ncekukati yakho, benginemadvodzana lamabili. Alwa odvwana esigangeni, kwabate umuntfu wekulamula. Lenye yashaya lena lenye, yayibulala.

1 Emakhosi 20:16

Baphuma emini kuyawuhlasela ngesikhatsi Bheni Hadadi nalamakhosi langema-32 labemsita, baselibele kutinklinkla ngetjwala emathendeni abo.

Esta 1:10

Kwatsi ngelilanga lesikhombisa, inkhosi seyibufakile yatjela tindvuna tayo letatibatsenwa boMehumani, naBiztha, naHabona, naBiktha, na-Abagitha, naZethari, naKhakhasi kutsi tilandze inkhosikati lenkhulu Vashti,

Tihlabelelo 104:15

neliwayini lelijabulisa tinhlitiyo tabo, nemafutsa ekugcobisa buso bakhe buze bucwebetele, nekudla lokuyinsika yemphilo yemuntfu.

Eksodusi 1:18

Ngako-ke inkhosi yababita lababelekisi, yababuta yatsi: “Nikwentelani loku? Anitibulali ngani letinswane letibafana?”

Umshumayeli 10:19

Lidzili lentelwa injabulo, neliwayini lenta kutsi kutsakaswe; kodvwa imali iyimphendvulo yako konkhe.

Umshumayeli 9:7

Hamba udle kudla kwakho ngenjabulo, unatse liwayini lakho ngenhlitiyo lejabulako, ngobe Nkulunkulu uyakuvumela kuloku lokwenta nyalo.

Danyela 5:30

Ngabo bona lobo busuku Bhelshasari, inkhosi yemaBhabhulona, wagwazwa wafa.

Nahume 1:10

Bayawugigeleka bona emanyeveni, nasekudzakweni liwayini labo. Bayawushwabudzeleka njengemahlanga lomisiwe.

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

Imisebenti yebaPhostoli 5:29

Phetro nalabanye baphostoli baphendvula batsi: “Kufanele silalele Nkulunkulu kunekulalela bantfu.

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”

Tikhulu 19:22

Batsi basachubeka nekudla, batijabulisa, lamanye emadvodza labetidlova takulelo dolobha atseleka, abavimbetela kulendlu. Agunkluta lesivalo salendlu, abememeta lelikhehla, umnikati walendlu, atsi: “Khipha lendvodza lengenise lapha kakho, sifuna kulala nayo.”

Tikhulu 19:6

Ngako base bahlala phansi bobabili, badla, banatsa ndzawonye. Emvakwaloko loyise walentfombatana watsi: “Ngiyacela, sale ulala kulobusuku balamuhla, khona utetijabulisa.”

Tikhulu 19:9

Lendvodza nalesingani sayo nalesisebenti batsi nabatilungiselela kuhamba, uyisetala, uyise walesingani, watsi: “Buka la, manje sekuyahwalala, sale senilala, ngobe vele selishonile. Hlala phansi utijabulise, kutawutsi kusasa ekuseni uvuke-ke uhambe indlela leya ekhaya.”

Ruthe 3:7

Ngesikhatsi Bowazi asadlile wanatsa, wativela ajabulile; ngako wahamba wayawulala eceleni kwencumbi yakolo. Ruthe wanyonyoba wasondzela kuBowazi, wafike wagwabula ingubo ngasetinyaweni takhe wangena, walala.

1 Samuweli 18:22

Sawula wase ubita tinceku takhe, watsi: “Nibohlebela Davide nitsi: ‘Buka la, inkhosi iyajabula ngawe, netinceku tayo tonkhe tiyakutsandza, sale uba ngumkhwenyane wayo.’ ”

1 Samuweli 28:10

Sawula wafunga kuso ngaSimakadze, watsi: “Ngempela kuphila kwaSimakadze, ungeke ukufele loko.”

1 Samuweli 28:13

Inkhosi Sawula yakhuluma kuye, yatsi: “Ungesabi. Ubonani?” Lesangoma satsi: “Ngibona umoya ukhuphuka phansi emhlabatsini.”