2 Samuweli 12:20 - Siswati 1996 Bible

²⁰ Davide wasukuma phansi. Watsi kube ageze, agcobise, antjintje netimphahla takhe, wahamba waya endlini yaSimakadze, wafike wamkhonta. Wabe sewuya endlini yakhe, wabacela kutsi bamnike kudla, wadla.

2 Samuweli 12:20 Iomraidhean Croise

2 Samuweli 12:19

Davide wabona kutsi kukhona tinceku takhe letatikuhleba, wavele wabona kutsi lomntfwana sewufile. Wabuta watsi: “Lomntfwana sewufile yini?” Tavuma tatsi: “Yebo, sewufile.”

2 Samuweli 12:21

Tinceku takhe tambuta tatsi: “Ukwentelani loku? Ngesikhatsi lomntfwana asaphila, wazila, wakhala, kodvwa nyalo, njengobe lomntfwana asafile, usukume wadla!”

2 Samuweli 14:2

Ngako Jowabe wabe sewutfumela umuntfu eThekhowa, kutsi alandze umfati lohlakaniphile khona. Jowabe wakhuluma kulomfati watsi: “Tentise kube shangatsi uzilile. Yembatsa inzilo, ungacali utisebentise tinongo temtimba. Ubotentisa kube shangatsi lomuntfu lofile sewumzilele sikhatsi lesidze.

2 Samuweli 19:24

Mefiboshethi naye, umntfwanemntfwana Sawula, wehla watawuhlangabeta inkhosi Davide. Abengazange atigeze tinyawo takhe, nesilevu sakhe abengazange asihhule, netimphahla takhe abengazange atigeze kusukela mhlazane inkhosi, Davide, iphuma eJerusalema kwaze kwaba lilanga leyabuya ngalo iphephile.

2 Samuweli 6:17

Libhokisi laSimakadze baliletsa balibeka endzaweni yalo ekhatsi ethendeni Davide labelakhele lona, Davide wenta umhlatjelo wekushiswa kanye neminikelo yebudlelwane embikwaSimakadze.

2 Samuweli 7:18

Inkhosi Davide yase iyahamba yayawungena ethendeni lebukhona baSimakadze, yafike yahlala phansi, yathandaza yatsi: “Bengingubani mine, Nkhosi Simakadze? Yona indlu yeketfu beyiyini, kutsi ungangihola kuze kube ngumanje?

Jobe 1:20

Watsi kube akuve loko Jobe, wasukuma waklebhula timphahla takhe, wahhula inhloko yakhe. Wesuka lapho watilahla phansi emhlabatsini wakhotsama,

Jobe 2:10

Jobe wamphendvula, watsi: “Wena ukhulumisa kwemfati losilima. Kantsi sesitakwemukela lokuhle kodvwa yini kuNkulunkulu, singasakwemukeli lokubuhlungu nalokubi?” Kuko konkhe loku Jobe akazange one ngekukhuluma kwakhe.

Tihlabelelo 103:1

Mphefumulo wami, dvumisa Simakadze, nako konkhe lokukimi akudvumise libito lakhe lelingcwele!

Tihlabelelo 103:8

Simakadze unemusa nesihawu, uyephuta kutfukutsela, andze ngemusa.

Tihlabelelo 39:9

Ngiyawuvala umlomo wami ngingasho lutfo, ngobe kunguwe longente ngahlupheka.

Tihlabelelo 95:6

Wotani, sikhuleke, simkhotsamele, asiguce embikwaSimakadze, uMenti wetfu.

Taga 3:7

Ungatenti sihlakaniphi, yesaba Simakadze, ukuyekele lokubi.

Umshumayeli 9:8

Tembatfo takho atihlale timhlophe, nenhloko yakho ihlale igcotjiswe ngemafutsa enjabulo.

Matewu 6:17

Kepha wena nawuzila, gcobisa inhloko yakho ugeze nebuso bakho,

Lukha 7:46

Wena awukayigcobisi ngemafutsa inhloko yami, kodvwa yena sewugcobise tinyawo tami ngemakha.

Ruthe 3:3

Ngako-ke geza, ugcoke kahle uphelele, ufake emakha, bese uyewuka uya lapho atawubhulela khona. Kodvwa ungacali umtjele kutsi ungubani asengakacedzi kudla nekunatsa.

1 Samuweli 15:25

Manje sengiyakuncenga kutsi ungitsetselele sono sami, bese uncandzeka nami, khona ngitewukhonta Simakadze.”

1 Samuweli 15:31

Ngako Samuweli wancandzeka naSawula, naye Sawula wakhuleka kuSimakadze.