2 Samuweli 11:15 - Siswati 1996 Bible

¹⁵ Kulencwadzi abebhale watsi: “Beka Uriya embili lapho imphi ishisa ngakhona. Bese niyakhwesha kuye, nentele kutsi atewubulawa.”

2 Samuweli 11:15 Iomraidhean Croise

2 Samuweli 11:16

Ngako kwatsi Jowabe nasavimbetele lidolobha, wabeka Uriya endzaweni lapho abati kahle khona kutsi titsa tinemandla.

2 Samuweli 11:17

Emabutfo etitsa atsi nasaphumela ngaphandle kwelidolobha, ahlasela Jowabe kanye nemabutfo akhe, letinye tihlabani letibalulekile taDavide tabulawa kanye na-Uriya, umHethi, tafa.

2 Samuweli 12:9

Uledzeleleleni livi laSimakadze ngekwenta lokubi emehlweni akhe? Ubulele Uriya, umHethi, ngenkemba, wabe sewutsatsa umkakhe wamenta umkakho. Umbulele ngenkemba yema-Amoni.

1 Emakhosi 15:5

Ngobe Davide abenta lokuhle emehlweni aSimakadze, wangete waphambuka kuyo yonkhe imiyalo yaSimakadze emphilweni yakhe yonkhe, ngaphandle kwendzaba ya-Uriya labengumHethi.

Tihlabelelo 51:14

Hhawu, Nkulunkulu, ngikhulule ecaleni lengati, Nkulunkulu wensindziso yami, khona lulwimi lwami luyawuhlabela kulunga kwakho.

Tihlabelelo 51:4

Ngonile kuwe, wena wedvwa, ngente lokunengekako emehlweni akho; ngako kwehlulela kwakho kumsulwa, nekungilahla kwakho ngelicala kulungile.

Umshumayeli 8:11

Ngenca yekutsi sigwebo sentfo lembi siyephuta kukhishwa, tinhlitiyo tebantfu setihlosa kwenta bubi ngesibindzi.

Jeremiya 17:9

Inhlitiyo iyayengana ngetulu kwato tonkhe tintfo, futsi yonakele ngalokwengcile. Ngubani nje longayicondza?

Jeremiya 20:13

Hlabelani kuSimakadze! Mnikeni ludvumo Simakadze! Uyatephula timphilo talabeswele, yebo, ubasindzisa etandleni talababi.

1 Samuweli 18:17

Sawula wakhuluma kuDavide, watsi: “Nansi indvodzakati yami yematubulo, Merabi. Ngitakwendzisela yona, nawungamane nje uhlehle lapha kimi, ulwe timphi taSimakadze.” Sawula abecabange watsi: “Ngingeke ngisibeke sandla sami etikwakhe. Akabulawe ngemaFilisti.”

1 Samuweli 18:21

Wacabanga watsi: “Ngitamendzisela yena, kuze abe lugibe lwami kuye Davide, kuze sandla semaFilisti simelane naye.” Ngako Sawula waphindza watsi kuDavide: “Manje sengikunika litfuba lesibili kutsi ube ngumkhwenyane wami.”

1 Samuweli 18:25

Sawula watsi: “Nibokhuluma kuDavide nitsi: ‘Inkhosi ayidzingi lelinye lilobolo ngaphandle kwemajwabu emaFilisti lalikhulu, kuze itiphindziselele etitseni tayo.’ ” Lisu laSawula bekukutsi Davide aze afe abulawe ngemaFilisti.