2 kuThimothi 2:22 - Siswati 1996 Bible

²² Ngako-ke balekela tinkhanuko tebusha, kodvwa hambisana nalabo labakhuleka eNkhosini ngenhlitiyo lehlambululekile, ujonge kulunga, nekukholwa, nelutsandvo, nekuthula.

2 kuThimothi 2:22 Iomraidhean Croise

Tihlabelelo 119:9

Umuntfu lomusha angayigcina kanjani imphilo yakhe ihlantekile? Ngekucaphela kuhamba ngelivi lakho.

Tihlabelelo 17:1

Awu, Simakadze, ase ulalele kuncusa kwami lokumsulwa. Beka indlebe yakho emthandazweni wami, lophuma emlonyeni lote inkhohliso.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 6:5

Tisindzise njengenyamatane ibalekela umtingeli, nanjengenyoni lephunyule esandleni semtingeli.

Taga 7:8

Yayihamba esitaladini eceleni kwelikona, icondzene nendlu yalomfati yaze yayawungena khona.

Levithikusi 15:18

Nangabe indvodza ilele nemfati kwase kuchitseka sidvodza, bobabili bafanele bageze imitimba yabo ngemanti, babe ngulabangcolile kuze kuhlwe.’ ”

Imisebenti yebaPhostoli 7:59

Basachubeka bamgcoba ngematje Stefano, wakhala ngelivi lelikhulu watsi: “Nkhosi Jesu, yemukela umoya wami.”

Imisebenti yebaPhostoli 9:14

Futsi seyite lapha eDamaseko ngemandla nangemvume yebaphristi labakhulu kutewubopha bonkhe bantfu lababita libito lakho.”

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 14:19

Ngako-ke, asilangatelele lokuletsa kuthula nekwakhana.

1 kubaseKorinthe 1:10

Bazalwane bami labatsandzekako, ngiyanincenga ngelibito leNkhosi yetfu Jesu Khristu kutsi nivumelane ngantfo yinye nonkhe; kubete kwehlukana emkhatsini wenu, kodvwa nipheleliswe emcondvweni munye nasembonweni munye.

1 kubaseKorinthe 1:2

Iya ebandleni laNkulunkulu leliseKhorinte, kubo labangcwelisiwe kuKhristu Jesu, babitelwa kuba ngulabangcwele kanye nabo bonkhe, etindzaweni tonkhe, labakhuleka egameni laJesu Khristu, loyiNkhosi yabo neyetfu.

1 kubaseKorinthe 10:14

Ngaloko-ke, batsandzekako bami, balekelani kukhonta tithico.

1 kubaseKorinthe 14:1

Jongani lutsandvo, kutsi nilangatelele tiphiwo taMoya, kakhulu kuphrofetha.

1 kubaseKorinthe 6:18

Balekelani bugwadla nebuphingi. Tonkhe tono latentako umuntfu tingephandle kwemtimba wakhe; kodvwa logwadlako nome lophingako wona umtimba wakhe.

1 kuThimothi 1:14

INkhosi yamane yangibabala ngemusa wayo yangipha kukholwa nelutsandvo lolukuKhristu Jesu.

1 kuThimothi 1:5

Empeleni injongo yemyalo wetfu kuvusetela lutsandvo loluphuma enhlitiyweni lemhlophe, nakunembeza lomsulwa, nasekukholweni lokute kutentisa.

1 kuThimothi 2:8

Ngako-ke ngifisa shangatsi emadvodza yonkhe indzawo angakhuleka aphakamise tandla letingcwele, ate lulaka nembango.

1 kuThimothi 4:12

Ungavumi kutsi busha bakho bedzeleleke kubantfu. Kodvwa bani sibonelo kulabakholwako; ube sibonelo ngekukhuluma, nangesimilo, nangelutsandvo, nangekukholwa, nangekuba msulwa.

1 kuThimothi 6:11

Kodvwa wena, muntfu waNkulunkulu, kubalekele loko; jonga kulunga, nekwesaba Nkulunkulu, nekukholwa, nelutsandvo, nekubeketela, nebumnene.

KumaHebheru 12:14

Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.

1 yaPhetro 2:11

Batsandzekako, ngiyanincenga, njengobe nitihambi nalabendlulako kulomhlaba, kutsi nitikhweshele tinkhanuko tenyama letilwa nemphefumulo.

1 yaPhetro 3:11

Akakhweshe kulokubi ente lokulungile; akajonge kuthula ngemandla akhe onkhe.

3 yaJohane 1:11

Wena lotsandzekako, ungasilandzeli sibonelo lesibi, kepha ubolandzela sibonelo lesihle. Umuntfu lowenta lokulungile waNkulunkulu; kepha umuntfu lowenta lokubi akazange asambone Nkulunkulu.