2 kuThimothi 2:14 - Siswati 1996 Bible

¹⁴ Khumbuta bantfu ngaloku, ubayale embikwaNkulunkulu kutsi bangaphikisani ngemavi langasiti lutfo, kodvwa lasicitfo kulabawevako.

2 kuThimothi 2:14 Iomraidhean Croise

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Jeremiya 2:11

Sive sake santjintjiselana yini ngabonkulunkulu baso? Yebo kona abasibo bonkulunkulu balutfo. Kodvwa sive sami sintjintjise ngenkhatimulo yaNkulunkulu waso, sakhonta tithico letingenamsebenti.

Jeremiya 2:8

Baphristi abazange babute, batsi: ‘Uphi Simakadze?’ Labo labafundzisa ngemtsetfo abazange bangati, nebaholi bangivukela. Baphrofethi baphrofetha ngaBhali, balandzela tithico letingenamsebenti.”

Jeremiya 23:32

Impela ngimelene nalabo labaphrofetha emaphupho langemanga,” kusho Simakadze. “Bayabalandzisa bedukise bantfu bami ngemanga abo ebudlabha; noko angikabatfumi, futsi angikababeki. Labantfu ababasiti ngalutfo ngisho nangalokuncane nje,” kusho Simakadze.

Jeremiya 23:36

Kodvwa ningacali nisisho ‘siphrofetho saSimakadze’ futsi, ngobe emavi alowo nalowo muntfu aba sembulo sakhe, ngaloko nibese niyawaguculela emavi aNkulunkulu lophilako, Simakadze Somandla, Nkulunkulu wetfu.

Jeremiya 7:8

Kodvwa bukani la, nine netsembele emavini langemanga nalangenamsebenti.

Habakhuki 2:18

“Sinamsebenti muni sithico, njengaloku sibatwe ngumuntfu nje? Yebo, sisitani sitfombe lesifundzisa emanga? Ngobe lowo losibatako wetsembela emsebentini wetandla takhe, wakha tithico letingeke tize tikhulume.

Matewu 16:26

Ngobe kuyawumsita ngani umuntfu kutfola live lonkhe, kepha alahlekelwe ngumphefumulo wakhe? Ingabe angakhiphani umuntfu kuhlenga umphefumulo wakhe?

Imisebenti yebaPhostoli 13:10

Watsi: “Wena ndvodzana yaSathane! Usitsa sako konkhe lokuhle; ugcwele onkhe emachinga ebubi, uyawuyekela nini kuvimbela liciniso leNkhosi ngemanga?

Imisebenti yebaPhostoli 15:24

“Sivile kutsi labanye betfu befike lapho banikhatsata banidzidza tingcondvo ngetimfundziso tabo; noko abakatfunywa ngitsi kutsi bakwente loko.

KubaseRoma 14:1

Mayelana nalobutsakatsaka ekukholweni, memukeleni kahle, kodvwa hhayi kutsi nitewuphikisana naye inkhani ngemibono.

KubaseGalathiya 1:7

Empeleni akusho kutsi likhona lelinye livangeli, kodvwa nje kutsi kukhona labanihluphako labafuna kuguculela liVangeli laKhristu.

Kubase-Efesu 4:17

Ngako-ke ngiyasho, ngifakaza eNkhosini ngitsi, ningabe nisahamba njengalabanye betive labanemicondvo lengacabangi.

1 kubaseThesalonika 4:1

Bazalwane betfu, nafundza kitsi kutsi nifanele nitiphatse njani kuze nijabulise Nkulunkulu, njengobe besenivele nenta. Ngako-ke ngephetsa ngekunincenga kutsi nichubeke nikhutsale kakhulu kukwenta loko,

2 kubaseThesalonika 3:6

Siyaniyala, bazalwane, egameni leNkhosi Jesu Khristu kutsi nibagege bazalwane labangemavila nalabangayilandzeli imiyalo lesaninika yona.

1 kuThimothi 1:4

Ubayale nekutsi bangatinaki tinganekwane nemilandvo lengapheli yetitukulwane. Konkhe loku kubanga kuphikisana lokungasiti lutfo esikhundleni sekutsi kuphumelelise kusebentela Nkulunkulu ngekukholwa.

1 kuThimothi 1:6

Labanye ngekuyigeja lenjongo baphambukele etinkhulumeni letingenamsebenti,

1 kuThimothi 4:8

Ngobe kwetayeta umtimba ngekwelula imisipha kunenzuzo kwesikhashana nje, kodvwa kumesaba Nkulunkulu kunenzuzo etintfweni letinyenti, ngobe kucuketse setsembiso semphilo yamanje kanye nesemphilo letako.

1 kuThimothi 5:21

Ngiyakuyalisisa, embikwaNkulunkulu, naKhristu Jesu, netingilosi letikhetsiwe, kutsi lemiyalo uyigcine ngebucotfo ungavuni muntfu; ungakhetsi muntfu.

1 kuThimothi 6:13

Ngikuyala embikwaNkulunkulu lophilisa konkhe, nasembikwaKhristu Jesu lowavuma sivumo lesihle embikwaPhontiyuse Philatu,

2 kuThimothi 1:6

Kungako ngikukhumbuta kutsi usibasele kabusha sipho saNkulunkulu lesikuwe, lowasitfola ngekubekwa ngimi tandla.

2 kuThimothi 2:16

Kodvwa utigege tinkhulumo telive letilite, ngobe tibanga kungamesabi Nkulunkulu.

2 kuThimothi 2:23

Kodvwa ungakunaki kuphikisana kwebulima lokungenasisekelo, ngobe uyati nawe kutsi kubanga kucabana.

2 kuThimothi 4:1

Ngiyakuyala embikwaNkulunkulu naKhristu Jesu, lotakwehlulela labaphilako nalabafile, ngikuyalisisa ngekubonakala kwakhe nembuso wakhe, ngitsi:

kuThithusi 3:1

Bakhumbute kutsi batfobele babusi netiphatsimandla tabo, balalele, balungele kwenta yonkhe imisebenti lemihle.

KumaHebheru 13:9

Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.

2 yaPhetro 1:13

Ngikubona kufanele, yingci ngisekhona kulomtimba, kwekutsi nginivusetele ngekunikhumbuta;

1 Samuweli 12:21

Ningagucukeli etithicweni letingenamsebenti. Tingeke tinisite ngalutfo, tingeke tinisite nekunisita nato, ngobe atinamsebenti walutfo.