2 kubaseKorinthe 8:23 - Siswati 1996 Bible

²³ Thithusi-ke yena sibambisene naye emsebentini wekunikhonta. Labazalwane-ke, batitfunywa temabandla, baludvumo kuKhristu.

2 kubaseKorinthe 8:23 Iomraidhean Croise

Lukha 5:10

Kwaba ngiso sona leso nakuboJakobe naJohane, emadvodzana aZebedi. Jesu watsi kuSimoni: “Ungesabi, kusukela nyalo sewutawudweba bantfu.”

Lukha 5:7

badzimate bakhweba labanye bangani babo lababekulesinye sikebhe kutsi batebabambisa; beta batigcwalisa totimbili, tikebhe taphose tacwila.

Johane 13:16

Ngicinisile, ngicinisile, ngitsi kini: Sisebenti asisikhulu kunemcashi waso, nalowo lotfunyiwe akamkhulu kunalowo lamtfumile.

1 kubaseKorinthe 11:7

Ngobe empeleni indvodza ayikafaneli kushucula enhloko, ngobe ingumfanekiso neludvumo lwaNkulunkulu, kodvwa umfati uludvumo lwendvodza.

2 kubaseKorinthe 12:18

Ngakhutsata Thithusi kutsi ahambe, ngatfuma umzalwane kutsi ahambe naye. Ngobe loThithusi wanihlakaniphela yini? Sasingatenti ngamoya munye yini tintfo? Asititsatsanga yini tinyatselo letifanako?

2 kubaseKorinthe 7:6

Kodvwa Nkulunkulu lodvudvuta labanetinhlitiyo letephukile, wasidvudvuta ngekufika kwaThithusi.

2 kubaseKorinthe 8:16

Kodvwa akabongwe Nkulunkulu lobeke enhlitiyweni yaThithusi lenshisekelo lenjengeyetfu yekunisita.

2 kubaseKorinthe 8:18

Simtfumele lapho kini kanye nemzalwane lodvunyiswa kuwo onkhe emabandla ngemsebenti wakhe wekuhambisa liVangeli.

2 kubaseKorinthe 8:19

Akusiko loko kuphela, kodvwa ukhetfwe ngemabandla kutsi abe sitfunywa kanye natsi kulomsebenti wekuhambisa lomnikelo lesiwuphatsele kukhombisa ludvumo lweNkhosi nekubakhutsalela kwetfu.

2 kubaseKorinthe 8:22

Sibatfumele kanye nemzalwane wetfu lesike samvivinya kanyenti samkhandza akhutsele, kodvwa nyalo unesifiso lesikhulu kunakucala, ngobe unetsemba kakhulu.

2 kubaseKorinthe 8:6

Ngiko nje sacela Thithusi kutsi acedzele lowo msebenti wemusa nakini, njengobe wawuvele usetandleni takhe kwasekucaleni.

KubaseFiliphi 2:25

Umzalwane Ephafrodithu, lenanimtfumele kimi kutsi atewungisita ekwesweleni kwami, usisebenti nelisotja laJesu kanye nami. Ngikubone kudzingekile kutsi ngimtfumele kini.

KubaseFiliphi 4:3

Yebo, ngiyakuncusa nawe, mhlobo wami locotfo, lengiboshelwe kanye naye, yelekelela labo bafati, ngobe babambisene nami eVangelini, kanye naKlemente naletinye tisebenti lengibambisene nato, emabito ato labhaliwe encwadzini yekuphila.

KubaseKholose 1:7

Nafundziswa ngu-Ephafrasi lotsandzekako, losisebenti kanye natsi. Nguye losimelele ngekutsi abesikhonti lesetsembekile saKhristu.

1 kubaseThesalonika 2:2

Kodvwa nome sase sihlushiwe satselwa ngelihlazo eFiliphi, njengobe nani nati, saba nesibindzi kuNkulunkulu wetfu kutsi sishumayele kini liVangeli laNkulunkulu sibhekene nebulukhuni lobukhulu.

2 kuThimothi 4:10

Demasi sewungibalekele waya eThesalonika, ngenca yekutsandza lelive. Khresensi waya eGalathiya, Thithusi waya eDalmathiya;

kuThithusi 1:4

Lencwadzi iya kuThithusi, umntfwanami weliciniso ngekukholwa. Akube kuwe umusa nekuthula lokuvela kuNkulunkulu, longuBabe, nakuKhristu Jesu, uMsindzisi wetfu.

kuFilemoni 1:17

Ngako-ke nawutsi mine ngingumhlanganyeli kanye nawe, naye-ke, memukele ngaleyo ndlela lebewungangemukela ngayo mine.

kuFilemoni 1:24

naMakho, na-Aristakhusi naDemasi, kanye naLukha, tisebenti kanye nami.

3 yaJohane 1:8

Ngako-ke sifanele kubasita bantfu labanjalo, kuze sibambisane nabo emsebentini weliciniso.