2 kubaseKorinthe 8:12 - Siswati 1996 Bible

¹² Nangabe umuntfu atimisele ngekunikela, akukabhekeki kutsi anikele ngaloko late kona, kodvwa ubhekeke kunikela ngaloko lanako.

2 kubaseKorinthe 8:12 Iomraidhean Croise

2 Tikhronike 6:8

Kodvwa Simakadze watsi kubabe wami Davide: ‘Ngobe bekusifiso senhlitiyo yakho kutsi wakhele Libito lami lithempeli, wente kahle kakhulu kutsi ube naleso sifiso enhlitiyweni yakho.

Eksodusi 25:2

“Khuluma esiveni saka-Israyeli kutsi asingiletsele umnikelo, ukhishwe ngibo bonkhe bantfu labanenhlitiyo levumako, wena uwemukele egameni lami.

Eksodusi 35:24

Bonkhe labo lababenemandla ekunikela ngesiliva nangelitfusi bakuletsa, kwaba ngumnikelo kuSimakadze, bonkhe lababenemgamba lewawungaba lusito bakuletsa.

Eksodusi 35:29

Onkhe ema-Israyeli, labadvuna nalabasikati, lababenetinhlitiyo letivumako tekunikelela wonkhe lomsebenti, Simakadze labeyale Mosi kutsi awente, bakuletsa kuSimakadze, kwaba ngumnikelo wesihle.

Eksodusi 35:5

Tsatselani Simakadze umnikelo kuloko leninako. Wonkhe lonenhlitiyo levumako akaletse umnikelo kuSimakadze: umnikelo wegolide, newesiliva, newelitfusi,

Taga 19:22

Umuntfu angatimisela ngaloko lakufunako, kodvwa kuncono kuba ngulomphofu kunekutsi ube ngulocalemanga.

Matewu 25:17

Kanjalo futsi nalesi lesemukela emathalenta lamabili sawatalisa, atala lamanye lamabili.

Matewu 25:22

“Seta nalesi lesinye sisebenti lebesemukele emathalenta lamabili, satsi: ‘Nkhosi, wanginika emathalenta lamabili; nankha lamanye lamabili lengiwatalisile.’

Lukha 16:10

“Lowo lowetsembekile etintfweni letincane, uyakwetsembeka nasetintfweni letinkhulu, longetsembeki etintfweni letincane, angeke etsembeke etintfweni letinkhulu.

2 kubaseKorinthe 8:11

nicedzele loko lenakucala nyakenye. Nanitimisele kuba lusito ngaleso sikhatsi; ngako-ke chubekani nente njalo ngekwemandla enu.

2 kubaseKorinthe 8:13

Nangisho njalo, angikacondzi kutsi ngitsi labanye abetfwale kamalula, nine-ke bese netfwala kamatima; kodvwa akwetfwaliswane ngalokulinganako.

2 kubaseKorinthe 8:19

Akusiko loko kuphela, kodvwa ukhetfwe ngemabandla kutsi abe sitfunywa kanye natsi kulomsebenti wekuhambisa lomnikelo lesiwuphatsele kukhombisa ludvumo lweNkhosi nekubakhutsalela kwetfu.

2 kubaseKorinthe 9:7

Lowo nalowo akatincumele yena enhlitiyweni yakhe kutsi utawunikela kangakanani, bese unikela ngekukhululeka, hhayi ngekusola nangekucindzetelwa. Nkulunkulu utsandza umuntfu lonikela ngenhlitiyo lemhlophe.

1 yaPhetro 4:10

Lowo nalowo lowemukele sipho semusa, akasisebentise ekukhonteni labanye njengenceku lenhle yemusa lomnyenti waNkulunkulu.