2 kubaseKorinthe 7:11 - Siswati 1996 Bible

¹¹ Ase nibuke nje kutsi lokudzabuka lokukwaNkulunkulu sekuveteni kini: Kukhutsala lokungaka, nekukwati kutiphendvulela, nekutfukutsela, nekwesaba, nekulangatelela, nenshisekelo, nekujezisa. Kuko konkhe senikhombise kutsi nite licala kulendzaba.

2 kubaseKorinthe 7:11 Iomraidhean Croise

Nehemiya 13:25

Ngabatsetsisa kamatima, ngaze ngabacalekisa. Ngavele ngawashaya lamanye alawo madvodza, ngaze ngawabamba ngetihlutfu. Ngabafungisa ngelibito laNkulunkulu, ngatsi: “Aniyikwendzisa emadvodzakati enu emajaheni abo, futsi nani ningawatsatseli emadvodzana enu bafati etintfombini tabo, nani futsi ningabatsatsi bafati kubo.

Jobe 42:6

Ngako-ke manje sengiyatenyanya, ngiyaphendvuka ngitilahla elutfulini nasemlotseni.”

Tihlabelelo 119:139

Kushisekela kwami kungicedzile, ngobe titsa tami tiwakhohliwe emavi akho.

Tihlabelelo 130:6

Umphefumulo wami ubheke Simakadze ngemehlo labovu. Ngimlindzele kwengca bomantjingelane nabalindzele kudzabuka kwekusa, yebo, kwendlula bomantjingelane nabalindzele kudzabuka kwekusa.

Tihlabelelo 145:19

Wesutsisa kufisa kwabo bonkhe labamesabako, uyabeva nabakhalako, abasindzise.

Tihlabelelo 2:11

Khontani Simakadze ngekwesaba, nijabule ngekutfutfumela.

Tihlabelelo 35:13

Kantsi nakugula bona, mine ngembatsa inzilo; umphefumulo wami ngawugongonya ngekuzila, noko ngacinisela ekuthandazeni.

Tihlabelelo 38:9

Nkhosi, kufisa kwami konkhe uyakwati, kububula kwami akukafihleki kuwe.

Tihlabelelo 42:1

Njengendluzele yomele emanti emfula, kanjalo nemphefumulo wami ulangatelela wena, Nkulunkulu.

Tihlabelelo 69:9

Ngidliwa kushisekela indlu yakho, tinhlamba talabakwetfukako tehlela etikwami.

Taga 14:16

Umuntfu lohlakaniphile unesineke akubalekele lokubi; kodvwa silima siyahlaphata, sitetsembe kakhulu.

Taga 28:14

Ubusisiwe umuntfu lowesaba Simakadze. Lowenta inhlitiyo ibe lukhuni uyawubhujiswa.

Ingoma Yetingoma 8:6

Ngibeke njengeluphawu etikwenhlitiyo yakho, yebo, njengeluphawu emkhonweni wakho; ngobe lutsandvo lunemandla njengekufa, sikhwele salo asitfobiseki, sinjengelithuna. Lushisa njengemlilo lovutsako, yebo, njengelilangabi lelinemandla.

Isaya 26:8

Yebo, Simakadze, sihamba endleleni yemitsetfo yakho, silindzela wena; Libito lakho neludvumo lwakho ngutona tifiso tetinhlitiyo tetfu.

Isaya 66:2

Tonkhe letintfo atikentiwa sandla sami yini, kuze kutsi tibe khona?” kusho Simakadze. “Ngulowo-ke mine lengimatisako, lowo lotfobekile nalodzabukile emoyeni, nalolitfutfumelelako livi lami.

Danyela 6:14

Inkhosi yatsi kube ikuve loko, yakhatsateka kakhulu, yetama konkhe lokwakusemandleni ayo kutsi imsindzise Danyela kwadzimate kwashona lilanga.

Makho 3:5

Wabatsi cala cala, acansukile, wadzabuka ngobe tinhlitiyo tabo tatilukhuni, tinenkhani, wase utsi kulomuntfu: “Yelula sandla sakho!” Waselula, saphila.

Johane 2:17

Bafundzi bakhe base bayakhumbula kutsi umBhalo utsi: “Yebo, Nkulunkulu, kushisekela indlu yakho kuvutsa njengemlilo ngekhatsi kwami.”

Imisebenti yebaPhostoli 17:16

Ngesikhatsi Pawula asehleti e-Athene alindzele boSilasi naThimothi, umoya wakhe wakhatsateka kakhulu, nakabona titfombe tabonkulunkulu letatigcwele kulelidolobha.

KubaseRoma 11:20

Ucinisile kuloko, ajutjwa ngenca yekungakholwa kwawo, kodvwa wena usime ngekukholwa kwakho. Ngako-ke ungatigabatisi, kodvwa mani ngekwesaba.

KubaseRoma 14:18

Lowo lokhonta Khristu ngalendlela, uyemukeleka kuNkulunkulu, futsi wetsembekile nakubantfu.

KubaseRoma 3:5

Kodvwa kunjani nangabe kwenta kwetfu lokungakalungi kusita ekubonakaliseni ngalokukhanyako kwenta kwaNkulunkulu lokulungile? Singatsini? Singatsi Nkulunkulu akenti kahle ngekusijezisa? Ngikhuluma njengemuntfu.

1 kubaseKorinthe 12:25

kuze kubete kwehlukana emtimbeni kepha titfo tonkhe tinakekelane ngalokufananako.

1 kubaseKorinthe 5:13

Kodvwa Nkulunkulu uyabehlulela labo labangephandle; nemBhalo utsi: “Mcosheni lomubi emkhatsini wenu!”

1 kubaseKorinthe 5:2

Kodvwa ngulapho niyatikhukhumeta! Anikhali ngani, kutsi lowo lowente lentfo lembi nimkhiphe emkhatsini wenu?

2 kubaseKorinthe 13:7

Kodvwa sithandaza kuNkulunkulu kutsi ningoni, hhayi kutsi sibonakale singulabancono, kodvwa kuze nente loko lokufanele, nome kungabonakala shangatsi sehlulekile.

2 kubaseKorinthe 2:6

Kwenele nje lokwekutsi linyenti limlahlile lowo.

2 kubaseKorinthe 6:4

Esikhundleni saloko konkhe lesikwentako sikwenta sikhombisa kutsi sitisebenti taNkulunkulu ngekutsi konkhe sikumele: ngekucinisela lokukhulu ekuhlushweni, nasebulukhunini, nasekugongonyekeni,

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.

2 kubaseKorinthe 7:7

Asidvudvutwanga ngiko kuphela, kodvwa sadvudvuteka nangekudvudvuteka kwakhe asemkhatsini wenu. Wasitjela kutsi beninesifiso sekungibona, nekutsi naba buhlungu kangakanani etinhlitiyweni, nekutsi benifisa kangakanani kuma kanye nami. Loko kwangenta ngajabula kakhulu futsi.

2 kubaseKorinthe 7:9

nyalo sengiyajabula, hhayi ngobe neva buhlungu, kodvwa ngobe kuva kwenu buhlungu kwanenta naphendvuka. Loko kuva kwenu buhlungu kwaya ngentsandvo yaNkulunkulu, ngako-ke kute lokwanilahlekela ngenca yetfu.

2 kubaseKorinthe 9:2

Ngiyati kutsi nitimisele kangakanani kusita. Ngiko loko lengiyaye ngitigcabhe ngako kubaseMasedoniya, ngibatjela kutsi base-Akhaya bese bavele bakulungele kunikela khona nyakenye. Inshisekelo yenu ibavusele umdlandla labanyenti.

Kubase-Efesu 4:26

Tfukutselani, kodvwa ningoni; lilanga lingashoni solomane nitfukutsele.

Kubase-Efesu 5:11

Ningahlanganyeli emisebentini yebumnyama, lete titselo, kunaloko niboyeneka ebaleni.

KubaseFiliphi 2:12

Batsandzekako bami, benilalele ngetikhatsi tonkhe, kungasiko nangikhona kuphela, kodvwa kakhulu manje nangingekho. Ngako-ke, fezani kusindziswa kwenu ngekwesaba nangekutfutfumela,

1 kubaseThesalonika 4:6

Akubete lowonako aphambe umzalwane wakhe nome ngani, ngobe Nkulunkulu ungumphindziseli kuto tonkhe letintfo, njengobe saniyalisisa nje.

1 kuThimothi 5:20

Labo labonako ubasole ubekhute embikwabo bonkhe, khona nalabo labanye batewuhlala ngekwesaba.

2 kuThimothi 2:15

Khutsalela kutiveta wemukelekile kuNkulunkulu, ube sisebenti lesetsembekile kuye lesite emahloni nalesiliphakela kahle livi leliciniso.

kuThithusi 3:8

Lelivi licinisile. Ngifisa kutsi ukugcizelele loku, kuze labo labakholwe kuNkulunkulu bakhutsalele kwenta imisebenti lemihle. Loku kuhle, futsi kunelusito kubantfu.

KumaHebheru 4:1

Ngako-ke asesabe, funa kube khona emkhatsini wenu lobonakala shangatsi sewusigejile lesitfuba, ngobe sisemile lesetsembiso saNkulunkulu sekungena ekuphumuleni kwakhe.

YaJakobe 3:17

Kodvwa kuhlakanipha lokuchamuka ngetulu kwekucala kumsulwa, bese kuba nekuthula, nekutfobeka, nekulalela, kugcwele bubele netitselo letihle; akunalo lubandlululo nekutentisa.

1 yaPhetro 1:17

Nanimbita ngekutsi nguBabe, lowo lowehlulela ngaphandle kwekukhetsa buso bemuntfu, ehlulele ngekwemisebenti yemuntfu, hambani ngekwesaba kulesikhatsi nisetihambi kulomhlaba.

1 yaPhetro 2:2

Njengebantfwana labasandza kutalwa, langatelelani lubisi lwaMoya loluhlantekile nalolungakabhicwa nalutfo, lolulivi laNkulunkulu, lenitawutsi ngekulunatsa nikhule, nize nisindziswe.

YaJuda 1:23

Labanye basindziseni nibahlwitse emlilweni. Kodvwa labanye nibevele ngekwesaba, ningatitsintsi tingubo letingcoliswe tinkhanuko tabo letimbi.

Sembulo 3:19

Labo lengibatsandzako ngiyabakhalimela ngibajezise; ngako-ke shisekela lokuhle, uphendvuke.