2 kubaseKorinthe 5:10 - Siswati 1996 Bible

¹⁰ Ngobe sonkhe kufanele sime embikwesihlalo saKhristu sekwehlulela, kuze kutsi ngulowo nalowo atekwemukela umvuzo wakhe ngalakwentile, lokuhle nome lokubi, asekulomtimba.

2 kubaseKorinthe 5:10 Iomraidhean Croise

Genesisi 18:25

Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”

1 Emakhosi 8:32

ubova usetulu ezulwini, bese uyenta. Yehlulela emkhatsini wetinceku takho, ulahle leyonile ngelicala, wehlisele etikwayo loko lekwentile, usho kulengenacala kutsi ite licala, ububeke ebaleni bumsulwa bayo.

1 Emakhosi 8:39

ubobe sewuyeva usezulwini, indzawo yakho yekuhlala, utsetselele, bese uyenta. Nguloyo naloyo muntfu umphatse njengekwenta kwakhe, njengobe wena uyayibona inhlitiyo yakhe, ngobe nguwe wedvwa lowati tinhlitiyo tebantfu.

Jobe 34:11

Umuntfu umkhokhela njengaloku entile, ambuyisele njengalokufanele kutiphatsa kwakhe.

Tihlabelelo 62:12

nekutsi umusa wakho, Simakadze. Ngobe wena umuntfu umnika umvuzo njengekwemisebenti yakhe.

Tihlabelelo 98:9

embikwaSimakadze, ngobe uyeta kutakwehlulela umhlaba ngekulunga, yebo, ehlulele tive ngebucotfo.

Umshumayeli 11:9

Jabula jaha, ebusheni bakho, inhlitiyo yakho ayikujabulise ngemalanga ebusha bakho. Landzela tindlela tenhlitiyo yakho nako konkhe lokubonwa ngemehlo akho; kodvwa ukhumbule kutsi Nkulunkulu uyawukwehlulela ngako konkhe lokwentile.

Umshumayeli 12:14

Ngobe Nkulunkulu uyakuyehlulela yonkhe imisebenti lesiyentile, ngisho nalokufihlakele lesikwentako, nome kuhle nome kubi.

Hezekeli 18:30

“Ngako-ke, awu, wenandlu yaka-Israyeli, ngiyawukwehlulela, ngulowo nalowo ngekwetindlela takhe, kusho iNkhosi Simakadze. Phendvukani! Gucukani kuto tonkhe tiphambuko tenu; khona-ke sono senu ngeke sibe kufa kwenu.

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Imisebenti yebaPhostoli 10:42

Wasitfuma kutsi sishumayele kubantfu, sifakaze nekutsi nguye lokhetfwe nguNkulunkulu kutsi abe nguMehluleli walabaphilako nalabafile.

Imisebenti yebaPhostoli 17:31

ngobe umisile lilanga lapho ayakwehlulela khona umhlaba wonkhe ngeliciniso lelimsulwa ngemuntfu munye lamkhetsile; ngaye sewuvete siciniseko kubantfu bonkhe ngekutsi amvuse kulabafile.”

KubaseRoma 2:16

NgekweliVangeli lami ngaKhristu Jesu kuyawuba njalo nangalelo langa Nkulunkulu layakwehlulela ngalo lokufihlekile kwebantfu.

KubaseRoma 6:19

Ase ngikhulumise kwemuntfu ngenca yebutsakatsaka bebuntfu benu, ngitsi: Njengaloku nake natinikela ngalokuphelele kutsi nibe tigcili temanyala nekukhohlakala lokukhulu, kanjalo-ke namanje tinikeleni kutsi nibe tigcili tekulunga kube kungcweliswa kwenu.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

2 kubaseKorinthe 7:3

Loko angikushololo kutsi nginilahle; bese vele ngishito lokutsi nine nisetinhlitiyweni tetfu, ngangekutsi nome kuphila nome kufa, sifisa kutsi lokungenani sibe munye kuko.

Kubase-Efesu 6:8

Nati kutsi, konkhe lokuhle lakwentako umuntfu uyakwemukela lokunjalo eNkhosini, nome usigcili nome ukhululekile.

KumaHebheru 9:27

Bantfu bamiselwe kutsi bafe kanye, bese kutsi emvakwaloko bayekwehlulelwa.

1 yaPhetro 4:5

Kepha ayawutiphendvulela kulowo losalungele kwehlulela labaphilako nalabafile.

Sembulo 2:23

Bantfwabakhe ngiyawubashaya bafe. Onkhe emabandla ayawukwati kutsi nginguye lophenyisisa ingcondvo nenhlitiyo. Ngulowo nalowo emkhatsini wenu ngiyawumnika njengekwemisebenti yakhe.

Sembulo 22:12

Jesu utsi: “Lalela la, ngiyeta masinyane! Ngita nemvuzo wami, ngitewunika ngulowo nalowo njengekwemisebenti yakhe.

1 Samuweli 2:10

Labo labamelene naSimakadze bayawuphihlika babe timvutfu. Uyawudvuma etikwabo asezulwini lakhe. Simakadze uyakwehlulela imikhawulo yonkhe yemhlaba. Inkhosi yakhe uyawuyinika emandla, aphakamise emandla alogcotjiwe wakhe.”

1 Samuweli 2:3

Ningasakhulumi kakhulu ngekutiphakamisa; kubete kutiphakamisa lokuphuma emilonyeni yenu. Ngobe Simakadze nguNkulunkulu welwati, ngaye tento tonkhe tiyaphenyisiswa.