2 kubaseKorinthe 3:4 - Siswati 1996 Bible

⁴ Loko sikusho ngobe setsembele kuNkulunkulu ngaKhristu.

2 kubaseKorinthe 3:4 Iomraidhean Croise

Eksodusi 18:19

Tsatsa nali livi leseluleko sami, Nkulunkulu utawuba nawe. Kufanele wena ube lincusa lebantfu kuNkulunkulu, emacala abo uwaletse kuye.

2 kubaseKorinthe 2:14

Kodvwa akabongwe Nkulunkulu losihola njalo eludvwendvweni lwekuncoba ngaKhristu. Nkulunkulu usebentisa tsine kutsi etindzaweni tonkhe avakalise liphunga lelimnandzi lekumati Khristu.

Kubase-Efesu 3:12

Ngaye sinekuciniseka nesibindzi sekusondzela kuNkulunkulu ngekukholwa kwetfu.

KubaseFiliphi 1:6

Nginelitsemba leliphelele kutsi lowo lowacala umsebenti lomuhle kini, uyakuwufeza kuze kube lilanga laKhristu Jesu.

1 kubaseThesalonika 1:8

Ngobe kuvakala kwelivi leNkhosi lokwachamuka lapho kini akuvakalanga eMasedoniya nase-Akhaya kuphela, kodvwa kukholwa kwenu nguNkulunkulu sekuvakele kuto tonkhe tindzawo, ngako-ke asinasidzingo sekulandzisa ngako.