2 kubaseKorinthe 11:7 - Siswati 1996 Bible

⁷ Ngona yini ngekunishumayela liVangeli laNkulunkulu mahhala, nangekutitfoba kuze niphakanyiswe nine?

2 kubaseKorinthe 11:7 Iomraidhean Croise

Imisebenti yebaPhostoli 20:33

“Angizange ngifise isiliva negolide nome imphahla yemuntfu.

Imisebenti yebaPhostoli 20:34

Nani lucobo niyati kutsi ngangisebenta ngaletandla tami, ngentela kutfola konkhe lengangikudzinga kanye nalabo ngangisebenta nabo.

KubaseRoma 1:1

Lencwadzi iphuma kuPawula, inceku yaKhristu Jesu, nemphostoli lokhetsiwe wabitwa nguNkulunkulu kutsi ashumayele liVangeli.

1 kubaseKorinthe 9:12

Nangabe labanye banalo lilungelo kini, pho, tsine asinalo kakhulu yini? Noko asilisebentisanga lelo lungelo, kepha sibeketelela nome yini, kuze singalivimbeli liVangeli laKhristu.

1 kubaseKorinthe 9:6

Kantsi ngimi naBhanabasi kuphela yini labafanele kutiholela ngekutisebentela?

2 kubaseKorinthe 10:1

Mine, Pawula matfupha, ngiyanincenga ngebumnene nangebubele baKhristu. Nginguye yena loPawula lenimtsatsa ngekutsi uyatikhobosa nasemkhatsini wenu, kodvwa abe nesibindzi kini nangekho embikwenu.

2 kubaseKorinthe 10:16

kuze sitewushumayela liVangeli nasemaveni langesheya kwenu, ngaphandle kwekutigabatisa ngemsebenti lese wentiwe ngulomunye umuntfu.

2 kubaseKorinthe 12:13

Empeleni nine nentiwa yini kutsi nibe nenhlanhla lembi kunalamanye emabandla ngaphandle kwekutsi nine angizange nginetfwese umtfwalo? Ngitsetseleleni kulesiphosiso!

2 kubaseKorinthe 2:12

Mhlazana ngifika eThrowasi kuyawushumayela liVangeli laKhristu, umnyango wawungivulekele kabanti kutsi ngisebentele iNkhosi.

1 kubaseThesalonika 2:9

Bazalwane, ngiyetsemba kutsi niyayikhumbula imisebenti nemisiphalato yetfu sisebenta emkhatsini wenu busuku nemini sentela kutsi singasindzi ngisho namunye wenu ngesikhatsi sisashumayela kini liVangeli laNkulunkulu.

2 kubaseThesalonika 3:8

sasingadli sinkhwa semuntfu singakasikhokheli; kodvwa sasidla ngekukhandleka sishikashikeka imini nebusuku, kuze kutsi singasindzi ngisho namunye wenu.