2 kubaseKorinthe 10:4 - Siswati 1996 Bible

⁴ Tikhali lesilwa ngato akusito telive, kodvwa tikhali taNkulunkulu letinemandla ekubhidlita tinqaba, ticitse tinkhulumo letingenamsebenti.

2 kubaseKorinthe 10:4 Iomraidhean Croise

Tihlabelelo 110:2

Intfonga yebukhosi bakho lobunemandla uyawuyelula wena, Simakadze, useSiyoni, utsi: “Busa wena emkhatsini wetitsa takho.”

Isaya 30:25

Ngalelo langa lekuhlaba lokukhulu, ngesikhatsi nakuwa imibhoshongo, imifudlana yemanti iyawugobhota kuto tonkhe tintsaba letiphakeme, nakuwo onkhe emagcuma lamadze.

Jeremiya 1:10

Buka la, lamuhla ngikubeka etikwetive nasetikwemibuso kutsi usiphule ubuye uhhihlite; ubhidlite ubuye uketule, nekutsi wakhe ubuye uhlanyele.”

Jeremiya 23:29

“Livi lami alinjengawo yini umlilo? Kona alinjengaso yini sandvo, sona lesibhidlita lidvwala libe ticucu?” kusho Simakadze.

Imisebenti yebaPhostoli 7:22

Mosi wafundziswa yonkhe inhlakanipho yemaGibhithe, waba lijaha leliyindvodza leyayinemandla ekukhulumeni nasetentweni.

KubaseRoma 13:12

Busuku sebuyaphela, imini seyisondzele. Ngako-ke asilahle yonkhe imisebenti yebumnyama, sihlome tikhali tekukhanya.

KubaseRoma 6:13

Futsi akusafanele kutsi ninikele titfo tenu esonweni tibe tikhali tekungalungi; kodvwa tinikeleni nine matfupha kuNkulunkulu njengobe ningulabavuswe ekufeni base bayaphila. Ngako-ke titfo tenu tinikeleni tibe tikhali tekulunga kuNkulunkulu.

1 kubaseKorinthe 2:5

Ngentela kutsi kukholwa kwenu kungasimi ekuhlakanipheni kwebantfu, kepha kusime emandleni aNkulunkulu.

1 kubaseKorinthe 9:7

Likhona yini lisotja lelake laya emphini ngetalo tindleko? Ngubani lohlanyela sivini angabe asatidla titselo taso? Ngubani lowelusa umhlambi wetinkhomo kodvwa angete aludla lubisi lwato?

2 kubaseKorinthe 10:8

Mhlawumbe ngitigabatisa kakhulu ngalamandla neligunya lami lenganikwa lona nguNkulunkulu, kutsi nginakhe nginganibulali. Kodvwa ngite emahloni ngaloko.

2 kubaseKorinthe 13:10

Loku ngikubhala ngisengakefiki kini, kuze kutsi nangifika lapho kungadzingeki kutsi nginiphatse ngesandla lesimatima lenginikwe sona yiNkhosi, kutsi ngakhe, ngingahliphiti.

2 kubaseKorinthe 3:5

Akusho noko kwekutsi sinemandla ekwenta lutfo ngekwetfu; kute lokuphuma kitsi, kepha emandla etfu avela kuNkulunkulu,

2 kubaseKorinthe 4:7

Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu.

2 kubaseKorinthe 6:7

nangelivi leliciniso, nangemandla aNkulunkulu. Kuko konkhe loku tikhali tetfu tikulunga lesikuphetse ngesandla sangesekudla nangesandla sangesancele.

1 kubaseThesalonika 5:8

Kodvwa tsine lesibemini asizitse, sembatse sivikelo sesifuba lesikukholwa nelutsandvo, sifake nempantitje lelitsemba letfu lensindziso.

1 kuThimothi 1:18

Thimothi, ndvodzana yami, ngikwetfwesa lomtfwalo ngikhumbula tiphrofetho letaticondziswe kuwe, ngitsi: Lwani ngato kulwa lokuhle

2 kuThimothi 2:3

Hlanganyela kanye nami ekuhluphekeni njengelisotja lelilungile laKhristu Jesu.

KumaHebheru 11:30

Ngekukholwa lubondza lwaseJerikho lwabhidlika, ema-Israyeli asatitungelete emalanga lasikhombisa.

Joshuwa 6:20

Atsi kube emacilongo akhale kakhulu, sive sonkhe samemeta kakhulu. Satsi kube sive sonkhe sive kukhala kwelicilongo, samemeta, lubondza lwelidolobha lwahhihlikela phansi; ngako nguleyo naleyo ndvodza yangena yacondza ekhatsi, balidla lidolobha.