2 kubaseKorinthe 10:1 - Siswati 1996 Bible

¹ Mine, Pawula matfupha, ngiyanincenga ngebumnene nangebubele baKhristu. Nginguye yena loPawula lenimtsatsa ngekutsi uyatikhobosa nasemkhatsini wenu, kodvwa abe nesibindzi kini nangekho embikwenu.

2 kubaseKorinthe 10:1 Iomraidhean Croise

Tihlabelelo 45:4

Yebo, gibela ngebukhosi bakho, uphume imphi, uyewuncoba, umele liciniso, uvikele nekulunga; shangatsi sandla sakho sangesekudla singafundzisa imisebenti yakho lesabekako.

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Matewu 11:29

Bekani lijoko lami etikwenu, nifundze kimi, ngobe mine ngimnene, ngitfobekile ngenhlitiyo, khona niyawutfola kuphumula kwemiphefumulo yenu;

Matewu 21:5

“Khulumani kuyo iNdvodzakati yaseSiyoni kutsi: ‘Bheka iNkhosi yakho ita kuwe, itfobekile, igibele embongolweni, yebo, etfoleni, enkhonyaneni yembongolo.’ ”

Imisebenti yebaPhostoli 8:32

Abefundza indzawana emBhalweni lapho kutsi: “Njengemvu ilandzelwe kuyawuhlatjwa, nome lizinyane lemvu embikwemhhuli walo lithulile, akazange awuvule umlomo wakhe.

KubaseRoma 10:20

Na-Isaya waba nesibindzi nakamemetela livi laNkulunkulu atsi: “Ngatfolwa ngulabo lababengakangifuni, ngatibonakalisa kulabo lababengakangiceli.”

KubaseRoma 12:1

Ngako-ke, bazalwane, njengobe Nkulunkulu ube nesihawu lesikhulu kangaka kitsi, ngiyanincenga ngitsi nikelani imitimba yenu ibe ngumnikelo lophilako, nalongcwele, nalowemukeleka kuNkulunkulu; leyo-ke nguyona nkonzo yenu sibili.

KubaseRoma 15:15

Kepha nginibhalele ngesibindzi kulokunye ngentela kunikhumbuta ngenca yemusa lengiwuphiwe nguNkulunkulu

1 kubaseKorinthe 2:3

Ngangihleti nani nginebutsakatsaka nekwesaba nekutfutfumela lokukhulu.

1 kubaseKorinthe 4:10

Tsine sitilima ngenca yaKhristu, kodvwa nine nihlakaniphile kuKhristu. Tsine sibutsakatsaka ngenca yaKhristu, kepha nine ninemandla. Nine niyadvunyiswa, kepha tsine siyanyembenywa.

1 kubaseKorinthe 4:21

Manje-ke nifunani? Nifuna ngite kini nendvuku, nome ngite nelutsandvo nemoya lomuhle?

2 kubaseKorinthe 10:10

Labanye batsi: “Tincwadzi takhe tinemandla nesisindvo, kodvwa bukhona bakhe abunasitfunti, nenkhulumo yakhe imalula.”

2 kubaseKorinthe 10:2

Nginincenga kutsi nase ngifikile lapho kungadzingeki ngibadvumele ngesibindzi lengicondze kusisebentisa kulabanye labatsi tsine sichutjwa live.

2 kubaseKorinthe 10:7

Tsatsani lamaciniso njengobe anjalo. Kukhona yini lokholwa kutsi yena waKhristu? Kuhle loko, kodvwa akase acabange naku: Natsi futsi sibaKhristu njengaye.

2 kubaseKorinthe 11:21

Nginemahloni nangikuvuma kutsi mine bengehluleka kakhulu kuloko. Kodvwa nakukhona umuntfu lofuna kutigabatisa ngentfo letsite, loko-ke ngikusho njengesilima, nami futsi ngingatigabatisa.

2 kubaseKorinthe 11:30

Nangabe kufanele ngitigabatise, ngiyawutigabatisa ngetintfo letibonakalisa butsakatsaka bami.

2 kubaseKorinthe 12:5

Ngingamgabatisa-ke umuntfu lonjalo, kodvwa mine ngingeke ngitigabatise ngalutfo, ngaphandle kwebutsakatsaka bami.

2 kubaseKorinthe 3:12

Ngulelo litsemba letfu, ngiko nje sikhuluma ngesibindzi.

2 kubaseKorinthe 5:20

Ngako singemancusa aKhristu; Nkulunkulu uncusa ngatsi. Sinincenga egameni laKhristu sitsi: “Buyisanani naNkulunkulu.”

2 kubaseKorinthe 6:1

Njengobe sibambisene naNkulunkulu emsebentini wakhe, siyanincenga sitsi: Yemukelani umusa waNkulunkulu, ningawenti lite.

2 kubaseKorinthe 7:4

Nginesibindzi lesikhulu kini; ngitigcabha kakhulu ngani. Kuko konkhe lokuhlupheka kwetfu ngiva nginendvudvuto, nenjabulo yami iyaphuphuma.

KubaseGalathiya 4:13

kepha niyati kutsi kwaba kungaphili kahle kwami lokwangenta ngatfola litfuba lekushumayela liVangeli kini kwekucala.

KubaseGalathiya 5:2

Ase nginitjele, mine Pawula, ngitsi kini: Nanemukela kusoka, Khristu angeke abe nelusito kini.

Kubase-Efesu 3:1

Ngalesizatfu ngiyanithandazela mine, Pawula, lengisiboshwa saKhristu Jesu ngenca yenu, nine betive.

Kubase-Efesu 4:1

Ngako-ke mine siboshwa eNkhosini, ngiyanincenga kutsi nihambe ngalokufanele kubitwa lenabitwa ngako.

KubaseFiliphi 4:5

Kubeketela kwenu ngebumnene akwatiwe bantfu bonkhe, iNkhosi isedvute.

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.

2 kubaseThesalonika 3:17

Mine Pawula ngibhala lomkhontiso ngesandla sami, lolu luphawu lengilubhala kuto tonkhe tincwadzi tami.

kuFilemoni 1:19

Nalu-ke luphawu lwekutsi mine Pawula ngiyakumkhokhela; akudzingeki nekutsi ngibe ngikukhumbuta kutsi kwawena nje ngekwakho ungewami, nginesabelo kuwe.

kuFilemoni 1:9

kodvwa ngenca yelutsandvo ngiyakuncenga. Mine Pawula, njengemuntfu losamdzala nyalo, nalosasiboshwa ngenca yaKhristu Jesu,

1 yaPhetro 2:11

Batsandzekako, ngiyanincenga, njengobe nitihambi nalabendlulako kulomhlaba, kutsi nitikhweshele tinkhanuko tenyama letilwa nemphefumulo.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.