1 yaJohane 4:21 - Siswati 1996 Bible

²¹ Sinemyalo lasinika wona Khristu kutsi umuntfu lotsandza Nkulunkulu ufanele kutsandza nemzalwane wakhe futsi.

1 yaJohane 4:21 Iomraidhean Croise

Levithikusi 19:18

Ungatibuyiseleli nome ube nemagcubu nebantfwana bebantfu bakini, kodvwa uyawutsandza makhelwane wakho njengobe utitsandza wena. NginguSimakadze.

Matewu 5:43

“Nivile kutsi kwatsiwa: ‘Ubotsandza makhelwane wakho, utondze sitsa sakho.’

Lukha 10:37

Sati semtsetfo saphendvula satsi: “Ngulona lowaba nesihawu kuye.” Jesu waphendvula ngekutsi: “Hamba, nawe wente njalo!”

Johane 15:12

Nankhu umyalo wami: ‘Tsandzanani, ngengobe nami nginitsandzile.’

KubaseGalathiya 5:14

Ngobe wonkhe umtsetfo upheleliswe evini linye lelitsi: “Ubotsandza makhelwane wakho njengobe utitsandza wena.”

KubaseGalathiya 5:6

Ngobe kuKhristu Jesu kusoka nekungasoki akunamsebenti, kodvwa kuphela kukholwa lokusebenta ngelutsandvo.

1 kubaseThesalonika 4:9

Macondzana nelutsandvo lwebuzalwane asikho sidzingo sekunibhalela ngaloko, ngobe Nkulunkulu sewunifundzisile kutsi nifanele nitsandzane njani.

1 yaPhetro 3:8

Kwekugcina-ke, hawukelanani, nibe munye nonkhe, nitsandzane ngebuzalwane, nibe nebubele nekutfobeka.

1 yaPhetro 4:8

Ngetulu kwako konkhe hlalani nitsandzana, ngobe lutsandvo lusibekela tono letinyenti.

1 yaJohane 2:7

Batsandzekako, anginibhaleli wona umyalo lomusha kodvwa wona lowo lomdzala lenawuva kusukela ekucaleni. Lomyalo lomdzala livi lenaliva.

1 yaJohane 3:11

Lona ngumyalo lenawuva kusukela ekucaleni kutsi kufanele sitsandzane.

1 yaJohane 3:14

Siyati kutsi sesiphumile ekufeni, sangena ekuphileni, ngobe sitsandza bazalwane; lote lutsandvo usesekufeni.

1 yaJohane 3:18

Bantfwabami, asingatsandzi ngemavi nje emlomo kuphela, kodvwa asitsandze ngetento nangeliciniso.

1 yaJohane 3:23

Naku lasiyala ngako: kutsi sikholwe egameni leNdvodzana yakhe lenguJesu Khristu bese siyatsandzana, njengobe asiyala.

1 yaJohane 4:11

Batsandzekako, nangabe Nkulunkulu wasitsandza kangaka, natsi sifanele kutsi sitsandzane.