1 yaJohane 3:8 - Siswati 1996 Bible

⁸ Umuntfu lowonako waSathane, ngobe Sathane wona kusukela ekucaleni. Kodvwa iNdvodzana yaNkulunkulu yetela kona loko, kucitsa imisebenti yaSathane.

1 yaJohane 3:8 Iomraidhean Croise

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Isaya 27:1

Ngalelo langa Simakadze uyawujezisa ngenkemba yakhe leyesabekako, lenkhulu nalenemandla lamakhulu, uyawujezisa Leviyathani, inyoka lenyelelako, yebo, Leviyathani, inyoka letibutsako; yena uyawubulala silo saselwandle.

Numeri 21:9

Ngako Mosi wakha inyoka ngelitfusi, wase uyiphanyeka etulu elugodvweni. Kwatsi wonkhe labesalunywe yinyoka watsi nabuka lenyoka yelitfusi, waphila.

Matewu 12:28

Kepha nangabe ngikhipha emadimoni ngaMoya waNkulunkulu, kusho kutsi umbuso waNkulunkulu sewufikile-ke kini.

Matewu 13:38

Insimi ngulomhlaba, inhlanyelo lenhle bantfwana bembuso, kepha lukhula bantfwana baLomubi.

Matewu 4:3

Umlingi wase uyefika kuye utsi: “NawuyiNdvodzana yaNkulunkulu, tjela nankha ematje agucuke abe tinkhwa!”

Makho 1:24

atsi: “Ufunani kitsi, Jesu waseNazaretha? Sewutesibhubhisa yini? Ngiyakwati kutsi ungubani. UnguLongcwele waNkulunkulu.”

Lukha 10:18

Jesu wabaphendvula watsi: “Ngabona Sathane awa ezulwini ehla njengembane.

Johane 12:31

Manje sesikhatsi sekwehlulelwa kwalelive, nembusi walelive sewutawucitfwa.

Johane 16:11

kwehlulela, kutsi umbusi walelive sewehlulelwe.

Johane 8:44

Nine nibeyihlo Sathane. Nitsandza kwenta tinkhanuko teyihlo. Yena abevele angumbulali webantfu kusukela ekucaleni, akemi ecinisweni, ngobe liciniso kute kuye. Nakakhuluma emanga, ukhuluma intfo yakhe, ngobe ungumcambimanga neyise wawo onkhe emanga.

KubaseRoma 16:20

Nkulunkulu, longumtfombo wekuthula, uyawumpitjita masinyane Sathane ngaphansi kwetinyawo tenu. Umusa weNkhosi yetfu Jesu awube nani.

Kubase-Efesu 2:2

lebenikadze nihamba kuto ngekwendlela yalomhlaba, ngekwembusi wemandla emkhatsi, umoya losasebenta kubantfu labangalaleli Nkulunkulu.

KubaseKholose 2:15

Babusi, nalabanemandla wabemuka tikhali, wabatsela ngelihlazo ebaleni abehlula ngaso siphambano.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

KumaHebheru 2:14

Ngako-ke njengobe bantfwana baba bantfu, naye-ke Jesu waba ngumuntfu njengabo, kuze kutsi abhubhise Sathane labenemandla etikwekufa,

KumaHebheru 9:26

Kube Khristu akangenanga kanye, bekuyawudzingeka kutsi ahlupheke kanyenti kusukela ekusekelweni kwendalo yonkhe. Kodvwa esikhundleni saloko, ubonakaliswe kwaba kanye, kwenela, ekugcineni kwetikhatsi, kuze asuse sono ngenhlawulo lenguye cobo lwakhe.

2 yaPhetro 2:4

Nkulunkulu akazange atiyekele tingilosi letona, kodvwa watilahla kalasha emigodzini yebumnyama bebumnyama, kutsi titewugcinelwa kwehlulelwa.

1 yaJohane 1:2

Yena lowo Sokuphila wabonakaliswa kitsi, sambona, sifakaza ngaye, simemetela kini Sokuphila waphakadze. Nguye labeneYise; wabe sewubonakaliswa kitsi.

1 yaJohane 3:10

Bantfwana baNkulunkulu nebantfwana baSathane babonakala ngaloku: Umuntfu longenti kulunga nalongatsandzi umzalwane wakhe, akasiye waNkulunkulu.

1 yaJohane 3:5

Futsi niyati kutsi Jesu wabonakaliselwa kususa tono, nekutsi kute sono kuye.

1 yaJohane 5:19

Siyati kutsi sibaNkulunkulu nekutsi umhlaba wonkhe ungephansi kwemandla aLomubi.

YaJuda 1:6

Nikhumbule phela kutsi netingilosi letingabugcinanga bukhosi bato ngekushiya likhaya lato, watigcina ebumnyameni tiboshwe ngetinketane letingasoze tikhunyulwe. Letingilosi timele lilanga lelikhulu lekwehlulelwa.

Sembulo 20:10

Sathane labedukise leto tive wabanjwa, wajikwa echibini lemlilo lonesibabule, lapho bekukhona khona silo kanye nemphrofethi wemanga. Bayawuhlushwa batfoseke imini nebusuku phakadze naphakadze.

Sembulo 20:15

Lowo libito lakhe lelalingakabhalwa encwadzini yekuphila, wajikwa echibini lelivutsa umlilo.