1 yaJohane 2:19 - Siswati 1996 Bible

¹⁹ Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.

1 yaJohane 2:19 Iomraidhean Croise

Jobe 17:9

Noko, labangcwele batawubambelela etindleleni tabo, nalabo labatandla tabo tingenacala lalutfo batawuchubeka babe nemandla lamasha.

Tihlabelelo 37:28

Ngobe Simakadze uyakutsandza kwenta tintfo ngendlela lefanele, angeke abayekelele labangcwele bakhe. Labalungile bayawulondvoloteka phakadze naphakadze; kodvwa bantfwana balomubi bayawushabalaliswa.

Tihlabelelo 41:9

Ngisho nemngani wami lengangimetsemba, nalengangidla esitjeni sinye naye, sewungidlangele ngebunyoka nebumbulu.

Matewu 24:24

Ngobe kuyawuvela bokhristumbumbulu, nebaphrofethi bemanga, bente tibonakaliso letinkhulu netimangaliso, kuze kudukiswe nalabakhetsiwe nakunekwenteka.

Makho 13:22

Bokhristu bemanga nebaphrofethimbumbulu batawuvela bakhombise tibonakaliso netimangaliso kuze kwedukiswe nalabakhetsiwe, nakunekwenteka.

Lukha 8:13

Kuhlanyelwa kwaleyo leyawela emhlabatsini losemadvwaleni kufanekisa labo labatsi nabalivako livi laNkulunkulu balemukele ngekutfokota, kodvwa ngenca yekungalijulisi kwabo etinhlitiyweni tabo, bakholwa sikhashana. Kutsi kungefika kulingwa, bese balilahla phansi.

Johane 15:2

Onkhe emagala lakimi langatseli titselo uyawajuba. Onkhe emagala latsela titselo uyawatsena, kuze atewutsela kakhulu.

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

Imisebenti yebaPhostoli 15:24

“Sivile kutsi labanye betfu befike lapho banikhatsata banidzidza tingcondvo ngetimfundziso tabo; noko abakatfunywa ngitsi kutsi bakwente loko.

Imisebenti yebaPhostoli 20:30

Emkhatsini wenu kuyawuvela bantfu labayawufundzisa lokuphambene neliciniso badvonse emakholwa lamanyenti alandzele bona.

KubaseRoma 9:6

Kodvwa akusiko kutsi livi laNkulunkulu selehlulekile. Ngobe akusibo bonkhe labasitukulwane sa-Israyeli labangema-Israyeli.

1 kubaseKorinthe 11:19

Ngobe vele kubhekekile kutsi kube khona kwehlukana emkhatsini wenu, kuze kutsi labetsembekile babonakale.

Dutheronomi 13:13

kutsi sekuvele bantfu lababi emkhatsini wenu baphambukisa bantfu balelo dolobha labo babedukise batsi: ‘Asambe siyewukhonta labanye bonkulunkulu,’ leningazange senibati,

2 kuThimothi 2:10

Ngako-ke ngicinisela kuko konkhe ngenca yalabakhetsiwe, kuze kutsi nabo batekwemukela insindziso lekuKhristu Jesu baphiwe nebukhosi baphakadze.

2 kuThimothi 2:19

Kodvwa sisekelo lesimiswe nguNkulunkulu solomane simile, sineluphawu lolutsi: “INkhosi iyabati lababayo,” nekutsi: “Wonkhe umuntfu lotibita ngelibito leNkhosi akakhweshe kulokubi.”

2 kuThimothi 3:9

Kodvwa bangeke bafike ndzawo; ngobe bulima babo butakwembuleka kubo bonkhe bantfu, njengebulima balabo bobabili.

KumaHebheru 10:39

Kepha tsine asikho kulabo labahlehla nyova badzimate babhubhe; kodvwa sikulabo labanekukholwa, aze Nkulunkulu asindzise imiphefumulo yabo.

2 yaJohane 1:7

Bakhohlisi labanyenti baphumele emhlabeni, bantfu labangeke bavume kutsi Jesu Khristu weta waba ngumuntfu. Umuntfu lonjalo ungumkhohlisi namphikakhristu.

YaJuda 1:1

Lencwadzi iphuma kumnakaboJakobe longuJuda, sisebenti saJesu Khristu. Iya kulabo lababitwe nalabatsandvwe nguNkulunkulu longuBabe, labalondvolotelwe Jesu Khristu.

YaJuda 1:19

Badala kwehlukana, ngobe babuswa tinkhanuko tabo temvelo, abanaye Moya Longcwele.