1 yaJohane 2:10 - Siswati 1996 Bible

¹⁰ Lowo lotsandza umzalwane wakhe, uhlala ekukhanyeni, nesikhubekiso kute kuye.

1 yaJohane 2:10 Iomraidhean Croise

Tihlabelelo 119:165

Bantfu labatsandza umtsetfo wakho banekuthula lokuphelele, kute lokuyawubakhuba endleleni.

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

Matewu 13:21

Kepha ngekubate timphandze letijulile etinhlitiyweni tabo, bahlala sikhashana nje. Kutsi kungavela tinhlupheko nome kutingelwa ngenca yelivi, bese bahlubuka masinyane.

Matewu 18:7

Maye kulomhlaba ngekutsi kukhona tikhubekiso, ngobe tikhubekiso kufanele kutsi tibe khona, kodvwa maye kulowo muntfu letita ngaye!

Johane 11:9

Jesu watsi kubo: “Angitsi lilanga liyaphuma libuye lishone? Umuntfu nakahamba emini akakhutjwa, ngobe ukhanyiselwa ngulokukhanya kwalapha emhlabeni.

Johane 12:35

Jesu wabaphendvula watsi: “Kukhanya kusetawuba nani kwesikhashana nje. Ngako hambani kusenekukhanya, kuze ningetikwehlelwa bumnyama, ngobe lohamba ebumnyameni akaboni lapho aya khona.

Johane 8:31

Ngako Jesu wakhuluma kulamaJuda labesakholwe nguye watsi: “Nanime emavini ami, nibafundzi bami sibili;

KubaseRoma 14:13

Ngako-ke akubete lowehlulela lomunye. Esikhundleni saloko asitimisele kutsi kubete lobekela lomunye umzalwane sikhubekiso, nome umgoco longahle umwise.

KubaseFiliphi 1:10

nize nikwati kwehlukanisa lokuncono, nibe msulwa nibete sici, kuze kube lilanga laKhristu.

2 yaPhetro 1:10

Ngako-ke, bazalwane, khutsalelani kakhulu kukhombisa kutsi nibelubito nebekukhetfwa. Nanikwenta loko, ningeke nihlubuke,

1 yaJohane 2:11

Kodvwa lowo lotondza umzalwane wakhe usebumnyameni, uhamba ebumnyameni, futsi akati nekutsi uyaphi, ngobe bumnyama buphumphutsekise emehlo akhe.

1 yaJohane 3:14

Siyati kutsi sesiphumile ekufeni, sangena ekuphileni, ngobe sitsandza bazalwane; lote lutsandvo usesekufeni.