1 Tikhronike 11:1 - Siswati 1996 Bible

¹ Tonkhe tive taka-Israyeli teta kuDavide eHebroni, tafike tatsi: “Tsine siyinyama yakho nengati yakho.

1 Tikhronike 11:1 Iomraidhean Croise

Genesisi 29:14

Labani watsi kuye: “Ngempela ulitsambo lami nengati yami.” Jakobe wahlala lapho inyanga yonkhe.

2 Samuweli 15:10

Absalomu wase utfumela titfunywa latiphatsisa imfihlo kuto tonkhe tive taka-Israyeli. Letitfunywa tatimemetela titsi: “Naniva kukhala kwemacilongo, nibotsi ‘Absalomu yinkhosi eHebroni.’ ”

2 Samuweli 2:1

Emvakwesikhatsi Davide wabuta kuSimakadze, watsi: “Kufanele yini ngenyuke kuyawutsatsa lelinye lalamadolobha akaJuda?” Simakadze watsi: “Yenyuka.” Davide wabuta watsi: “Kufanele ngiye kuphi?” Simakadze wamphendvula watsi: “EHebroni.”

1 Emakhosi 2:11

Abesabuse sive sema-Israyeli iminyaka lengema-40. Iminyaka lesikhombisa abebusela eHebroni, kwatsi lengema-33 wabusela eJerusalema.

Numeri 13:22

Benyuka badzabula iNegevu, lekuyiningizimu yelive laseKhenani, baze befika eHebroni, lapho kwakuhlala khona bo-Ahimani, naSheshayi, naThalmayi, titukulwane ta-Anaki. IHebroni yayakhiwe iminyaka lesikhombisa ngaphambi kweSowani yaseGibhithe.

Kubase-Efesu 5:30

ngobe singemalunga emtimba wakhe.

Dutheronomi 17:15

nibocaphela-ke kutsi nibeka leyo nkhosi Simakadze Nkulunkulu wenu layikhetsako. Kufanele leyo nkhosi ikhetfwe emkhatsini webanakenu. Ningacali nibeke wetive kutsi abe yinkhosi yenu, kantsi akasiye um-Israyeli wengati.

Tikhulu 9:2

“Butani tonkhe takhamiti taseShekhemu, nitsi: ‘Ngukuphi lokuncono kini: Kutsi nibuswe ngiwo onkhe lamadvodzana aJerubhali langema-70, nome nibuswe ngumuntfu munye?’ Khumbulani kutsi mine ngiyinyama yenu nengati yenu.”