1 Samuweli 3:17 - Siswati 1996 Bible

¹⁷ Eli wabuta watsi: “Yini lena layishito kuwe? Ungangifihleli. Shangatsi Nkulunkulu angakujezisa kakhulu, nakwenteka ungifihlela nome yini lakutjele kona.”

1 Samuweli 3:17 Iomraidhean Croise

2 Samuweli 14:18

Inkhosi yaphendvula yatsi: “Ngitakubuta umbuzo, wena-ke ngitjele lonkhe liciniso.” Lomfati watsi: “Inkhosi yami ngicela kutsi ikhulume.”

2 Samuweli 19:13

Khulumani ku-Amasa nitsi: ‘Awusiyo yini wena ingati yami nenyama yami? Shangatsi Nkulunkulu angangijezisa angishaye kabuhlungu, nangabe kusukela nyalo ngingakubeki kutsi ube yindvuna yemphi yami esikhundleni saJowabe.’ ”

2 Samuweli 3:35

Base bayefika kutawucela Davide kutsi sale asadla kusesemini, kodvwa Davide watsatsa sifungo, watsi: “Shangatsi Nkulunkulu angangishaya ngife, nangingadla lilanga lisengakashoni!”

2 Samuweli 3:9

Shangatsi Nkulunkulu angangiphatsa kabuhlungu mine Abneri, nangingamenteli Davide loko Simakadze lametsembisa kona ngesifungo,

1 Emakhosi 22:16

Inkhosi Ahabi yatsi kuye: “Ngitakutjela kangaki kutsi ungangitjeli lutfo lolunye ngaphandle kweliciniso egameni laSimakadze?”

2 Emakhosi 6:31

Yamemeta yatsi: “Nkulunkulu wami, ngibulale ngife, nangabe lamuhla lingashona inhloko ya-Elisha, umsa waShafati, isengetulu kwemahlombe akhe!”

Tihlabelelo 141:5

Ngingamane ngijeziswe ngumuntfu lolungile, loko kungumusa kimi; angamane angitsetsise, loko kungemafutsa enhloko yami, kodvwa umkhuleko wami uphambene netento letimbi talababi.

Jeremiya 38:14

Inkhosi Sedekiya yase itsi akulandvwe Jeremiya, umphrofethi, yatsi akaletfwe esangweni lesitsatfu lelithempeli laSimakadze, yatsi kuJeremiya: “Ngitawubuta lutfo. Ungafihli lutfo kimi.”

Jeremiya 42:4

Jeremiya, umphrofethi, wabaphendvula, watsi: “Senginivile, ngempela ngitawuthandaza kuSimakadze Nkulunkulu wenu, njengobe nicelile. Ngitanitjela konkhe Simakadze lakushoko, futsi kute lengitanigodlela kona.”

Danyela 4:19

Ngako Danyela, labebitwa ngekutsi nguBhelteshasari, wadideka kakhulu kwesikhashana, imicabango yakhe yametfusa. Ngako inkhosi yakhuluma kuye, yatsi: “Bhelteshasari, ungavumi likwetfuse leliphupho kanye nenchazelo yalo.” Bhelteshasari waphendvula, watsi: “Nkhosi yami, kube mane leliphupho belicondzene netitsa takho nenchazelo yalo icondzene nalabo labemelene nawe!

Mikha 2:7

Ucabanga kutsi sive saka-Israyeli singaphansi kwesicalekiso yini? Kungabe Nkulunkulu sewulahlekelwe kubeketela kwakhe yini? Angayenta kambe intfo lenje? “Akakhulumi kahle yini kulabo labenta lokuhle?”

Numeri 23:17

Ngako-ke wancandzeka waya kuye, wamkhandza eceleni kwemnikelo wakhe, eme nebaholi bakaMowabi. Bhalaki wambuta watsi: “Utsiteni Simakadze?”

Matewu 26:63

Kodvwa Jesu wabindza. Waphindze wakhuluma umPhristi Lomkhulu watsi kuye: “Egameni laNkulunkulu lophilako, sengiyakufungisa-ke manje kutsi sitjele nawunguKhristu, iNdvodzana yaNkulunkulu.”

Ruthe 1:17

Lapho uyawufela khona, nami ngiyawungcwatjwa khona. Shangatsi Simakadze angangijezisa kakhulu, nangabe mine ngivumela nome ngabe yini, ngaphandle kwekufa, kutsi kusehlukanise.”

1 Samuweli 14:44

Sawula watsi: “Shangatsi Nkulunkulu angangishaya kamatima, nangabe wena, Jonathani, ungafi.”

1 Samuweli 20:13

Kodvwa nangabe babe afuna kukulimata, shangatsi Simakadze angangijezisa ngekungibulala, nangabe ngingakakwatisi bese ngiyakukhulula kutsi uhambe uphephile. Shangatsi Simakadze angaba nawe, njengobe abenababe.

1 Samuweli 25:22

Shangatsi Simakadze angangibulala, nangingakababulali bonkhe labadvuna kusengakasi lamuhla nje!”

1 Samuweli 3:16

kodvwa Eli wambita, wafike watsi kuye: “Samuweli, ndvodzana yami.” Samuweli wasabela watsi: “Ngilapha.”