1 Samuweli 17:43 - Siswati 1996 Bible

⁴³ Watsi kuDavide: “Ngiyinja yini, kutsi ungeta kimi uphetse tindvuku?” LomFilisti wacalekisa Davide ngabonkulunkulu bakhe,

1 Samuweli 17:43 Iomraidhean Croise

Genesisi 27:29

Shangatsi tive tingasebenta wena, nemindeni ikukhotsamele. Ube yinkhosi kubomnakenu, emadvodzana enyoko akukhotsamele. Akacalekiswe lokucalekisako, abusiswe lokubusisako.”

2 Samuweli 16:5

Kwatsi inkhosi Davide naseyisondzele eBhahurimu, lomunye wetihlobo taSawula, Shimeyi, umsa waGera, waphuma wamhlangabeta, weta ametfuka ngeticalekiso.

2 Samuweli 16:9

Abishayi, umsa waSeruya, wakhuluma enkhosini, watsi: “Bayethe, nkhosi yami, nkhosi! Uyivumelelani lenja kutsi ikucalekise? Ngivumele ngiye lapha kuyo, ngifike ngijube inhloko yayo ngiyilahle lapha!”

2 Samuweli 3:8

Abneri watfukutsela wabilelana ngenca yalenkhulumo ya-Ishboshethi, waphendvula watsi: “Ucabanga kutsi mine ngikhonta Juda yini? Lamuhla loku mine ngihlonipha indlu yeyihlo, Sawula, nemndeni wakhe kanye nebangani bakhe. Angikaze ngikunikele esandleni saDavide. Noko manje sewungibeka licala macondzana nalomfati!

2 Samuweli 9:8

Mefiboshethi wakhotsama, watsi: “Iyini inceku yakho, kutsi ungaze unakekele inja lefile njengami?”

1 Emakhosi 20:10

Bheni Hadadi watfumela lomunye umlayeto ku-Ahabi atsi: “Ngitakuta nemadvodza lenele kutsi ngitewubhubhisa lelidolobha lakho, lamadvodza atsatse leto timvutfu ngetandla tawo. Shangatsi bonkulunkulu bangangishaya ngife, nangehluleka kukufeza loko.”

2 Emakhosi 8:13

Hazayeli watsi: “Inceku yakho, inja nje, ingakwenta kanjani loko? Ingafinyelela kanjani kulobo buluhlata?” Elisha wamphendvula, watsi: “Simakadze ungibonisile kutsi wena utawuba yinkhosi yemaSiriya.”

Taga 26:2

Njengancedze londiza angahlali, nenkonjane lendiza ingahlali, sinjalo sicalekiso; asimehleli umuntfu longakasifaneli.

Numeri 22:6

Manje kota utengicalekisela lesive, ngobe sinemandla kakhulu kunami; kumbe ngingakhona kusehlula ngisikhiphe lapha eveni lami. Ngiyati kutsi lababusiswa nguwe bayabusiseka, nalabo labacalekiswa nguwe bayacalekiseka.”

Tikhulu 9:27

Batsi kube baphume bonkhe baye emasimini abo bayewuvuna emagelebisi, babuya bawahluta, base benta lidzili ethempelini lesithico sabo. Babetsi ngesikhatsi banatsa, badla, bacalekise Abimeleki.

1 Samuweli 14:12

Emadvodza asenkambu amemeta Jonathani kanye neludzibi lwakhe, atsi: “Yenyukani nite lapha, sitanifundzisa sifundvo.” Jonathani wase ukhuluma kuloludzibi lwakhe, watsi: “Yekhwela, ungilandzele; Simakadze ubanikele esandleni sema-Israyeli.”

1 Samuweli 24:14

“Inkhosi yema-Israyeli iphumele kulandzelana nemkhondvo wabani? Umkhondvo wenja lefile! Umkhondvo welikululu?

1 Samuweli 24:15

Shangatsi Simakadze angaba ngumehluleli ehlulele emkhatsini wetfu sobabili, angimelele ngekungitfola ngite licala, angikhulule esandleni sakho.”