1 Samuweli 17:37 - Siswati 1996 Bible

³⁷ LoSimakadze lowangephula esidladleni selibhubesi nasesidladleni selibhele utangikhulula nasesandleni salomFilisti.” Sawula wakhuluma kuDavide, watsi: “Hamba, shangatsi Simakadze angaba nawe.”

1 Samuweli 17:37 Iomraidhean Croise

2 Samuweli 10:12

Cina, ube nesibindzi! Asilwe ngesibindzi silwele sive sakitsi nemadolobha aNkulunkulu wetfu. Simakadze utakwenta loko lokuhle emehlweni akhe.”

1 Tikhronike 22:11

“Manje-ke, ndvodzana yami, Simakadze akabe nawe ube nemphumelelo, uze wakhe indlu yaSimakadze Nkulunkulu wakho, njengobe atsi utakwenta.

1 Tikhronike 22:16

yegolide, neyesiliva, neyelitfusi, neyensimbi, kube nebabati longeke ubabale. Manje-ke sale uwucala lomsebenti, Simakadze akabe nawe.”

Tihlabelelo 11:1

KuSimakadze ngitfole siphephelo. Pho, ngabe ningeluleka njani nanitsi: “Ndizela entsabeni njengenyoni!

Tihlabelelo 118:6

Simakadze ungakimi angesabi lutfo. Umuntfu angangentani nje?

Tihlabelelo 138:3

Ngatsi nangikhala kuwe, wangiva wangiphendvula, wanginika sibindzi ngekungicinisa.

Tihlabelelo 63:7

ngobe wena ube lusito lwami. Ngako-ke ngiyawuhlabela ngenjabulo emtfuntini wemaphiko akho.

Tihlabelelo 77:11

Yebo, Simakadze, ngitase ngikhumbule imisebenti yaNkulunkulu, yebo, ngikhumbule netimangaliso takho tasendvulo.

Danyela 3:17

Nasijikijelwa ekhatsi kulamalangabi emlilo lowesabekako nalohhumako, loNkulunkulu wetfu lesimkhontako unemandla ekusisindzisa kuwo, futsi uyakusephula esandleni sakho, nkhosi.

Joshuwa 1:17

Njengobe naMosi sasimlalela ngalokuphelele, nawe sitakulalela sikuhloniphe. Kuphela nje, Simakadze Nkulunkulu wakho akabe nawe, njengaloku abenaye naMosi.

Ruthe 2:4

Kwase kufika Bowazi aphuma eBhetlehema, wafike kubavuni watsi: “Simakadze akabe nani!” Bamphendvula batsi. “Simakadze akakubusise!”

1 Samuweli 17:36

Inceku yakho yabulala libhubesi nelibhele; nalomFilisti longakasoki utawufanana nato letilwane, ngobe uwabite insayeya emabutfo aNkulunkulu lophilako.

1 Samuweli 17:38

Ngako Sawula wabe sewembatsisa Davide ngetembatfo takhe. Wamfaka imphantitje yelitfusi enhloko, wamembatsisa ngelibhantji lensimbi lemphi.

1 Samuweli 20:13

Kodvwa nangabe babe afuna kukulimata, shangatsi Simakadze angangijezisa ngekungibulala, nangabe ngingakakwatisi bese ngiyakukhulula kutsi uhambe uphephile. Shangatsi Simakadze angaba nawe, njengobe abenababe.

1 Samuweli 24:19

Umuntfu nakabamba sitsa sakhe, uyasiyekela yini siphunyule angakasilimati? Shangatsi Simakadze angakuvuza ngalokuhle ngaloku lokwente kimi lamuhla.

1 Samuweli 26:25

Sawula wakhuluma kuDavide, watsi: “Shangatsi Simakadze angakubusisa, Davide, ndvodzana yami; utakwenta tintfo letinkhulu, uphindze uphumelele kuko konkhe lokwentako.” Ngako Davide wase uyahamba, naSawula wancandzeka wabuyela ekhaya kakhe.

1 Samuweli 7:12

Samuweli wabe sewutsatsa litje, walimisa emkhatsini waseMispa naseSheni. Waletsa libito watsi yi-Ebheni Eza, atsi: “Simakadze usisite kwaze kwaba ngumanje.”