1 Samuweli 16:13 - Siswati 1996 Bible

¹³ Ngako Samuweli watsatsa luphondvo lwakhe lwemafutsa wamgcoba ebaleni embikwabomnakabo. Kusukela ngalelo langa Moya waSimakadze wehlela etikwaDavide ngemandla lamakhulu. Samuweli wesuka lapho waya eRama.

1 Samuweli 16:13 Iomraidhean Croise

2 Samuweli 12:7

Nathani wakhuluma kuDavide, watsi: “Lowo muntfu nguwe, nkhosi! Naku-ke Simakadze Nkulunkulu wema-Israyeli lakushoko, utsi: ‘Ngakugcoba kutsi ube yinkhosi yema-Israyeli, ngakukhulula esandleni saSawula.

2 Samuweli 2:4

Emadvodza akaJuda eta eHebroni, afike amgcobela lapho Davide kutsi abe yinkhosi etikwendlu yakaJuda. Watsi kube Davide eve kutsi emadvodza aseJabeshi Gileyadi ngiwo labengcwabe Sawula,

2 Samuweli 23:1

Lawa ngemavi ekugcina enkhosi Davide: “Inkhulumo yaDavide, umsa waJese, inkhulumo yalowo lowaphakanyiswa nguLosetikwako Konkhe. Ungumuntfu lowagcotjwa nguNkulunkulu waJakobe, umhlabeleli wetingoma ka-Israyeli.

2 Samuweli 5:3

Batsi kube befike bonkhe baholi bema-Israyeli enkhosini Davide eHebroni, inkhosi yenta nabo sivumelwane eHebroni embikwaSimakadze; base bagcoba Davide kutsi abe yinkhosi yema-Israyeli.

2 Emakhosi 9:6

Jehu wasukumela etulu bayawungena endlini. Lomphrofethi wase utsela emafutsa etikwenhloko yaJehu, watsi: “Naku lakushoko Simakadze, Nkulunkulu wema-Israyeli, utsi: ‘Ngiyakugcoba kutsi ube yinkhosi etikwesive saSimakadze, ema-Israyeli.

1 Tikhronike 11:3

Batsi kube befike bonkhe baholi bema-Israyeli enkhosini Davide eHebroni, wenta nabo sivumelwane eHebroni embikwaSimakadze; base bagcoba Davide kutsi abe yinkhosi yema-Israyeli, njengobe Simakadze abetsembisile ngaSamuweli.

Tihlabelelo 89:20

Ngimtfolile Davide, inceku yami, sengimgcobe ngemafutsa ami langcwele.

Tihlabelelo 89:21

Sandla sami siyawuma naye njalo simcinise, ngempela ingalo yami iyawumcinisa.

Numeri 11:17

Ngitakwehla ngitewukhuluma nawe lapho, ngitsatse lokunye lokukwaMoya lokukuwe ngikunike bona. Batakusita ekwetfwaleni umtfwalo walesive kanye nawe, khona ungetikwetfwala wedvwa.

Numeri 27:18

Ngako-ke Simakadze wakhuluma kuMosi, watsi: “Tsatsa Joshuwa, umsa waNuni, indvodza lenaMoya, umbeke sandla.

Johane 3:34

Ngobe lowo lotfunywe nguNkulunkulu ukhuluma emavi aNkulunkulu; ngobe Moya akaniki ngekwesilinganiso.

Imisebenti yebaPhostoli 13:22

Nkulunkulu asamkhiphile wabeka Davide, waba yinkhosi yabo. Nkulunkulu wafakaza kahle ngaye nakatsi: ‘Ngitfole kutsi Davide, indvodzana yaJese, ungumuntfu wenhlitiyo yami, umuntfu lotakwenta konkhe lengifuna kutsi akwente.’

KumaHebheru 1:9

Utsandze kulunga, watondza bubi; ngako-ke, Nkulunkulu, longuNkulunkulu wakho, ukugcobe ngemafutsa enjabulo ngetulu kwabomnakenu.”

KumaHebheru 11:32

Ngingachubeka ngitsini nje? Sikhatsi asingivumeli kutsi ngilandze ngaGideyoni, naBharaki, naSamsoni, naJafta, naDavide, naSamuweli, nebaphrofethi.

Tikhulu 11:29

Moya waSimakadze wase wehlela kuJeftha. Wahamba wadzabula kulakaGileyadi nakulakaManase, wewelela ngesheya eMispa yakaGileyadi, wendlula lapho washuca wayawuhlasela ema-Amoni.

Tikhulu 13:25

naMoya waSimakadze wacala kumnyakatisa ngesikhatsi aseMahane Dani, emkhatsini weSora ne-Eshtayoli.

Tikhulu 14:6

Moya waSimakadze wehlela etikwakhe ngemandla lamakhulu kangangekutsi lelibhubesi walibamba walidladlabula ngetandla takhe, kwaba shangatsi udladlabula lizinyane lembuti. Kodvwa akazange abatjele boyise nenina kutsi sewenteni endleleni yakhe.

Tikhulu 3:10

Moya waSimakadze wehlela kuye, ngako waba sikhulu sema-Israyeli; wabahola baya emphini. Simakadze wanikela Khushani Rishathayimu, inkhosi yaseMesophothamiya, esandleni sa-Othniyeli lowamehlula.

1 Samuweli 1:19

Ekuseni ngakusasa besuka bayawukhonta Simakadze, base bayancandzeka babuyela ekhaya labo eRama. Elkhana walala naHana, umkakhe, Simakadze wamkhumbula Hana.

1 Samuweli 10:1

Samuweli wase utsatsa lichaga lelalinemafutsa, wawatsela enhloko yaSawula, wamanga, watsi: “Angitsi Simakadze ukugcobile kutsi ube ngumholi welifa lakhe?

1 Samuweli 10:6

Moya waSimakadze utakwehlela etikwakho ngemandla lamakhulu, nawe uyawube sewuphrofetha kanye nabo. Uyawugucuka ube ngulomunye umuntfu.

1 Samuweli 11:6

Watsi Sawula nakakuva loko, Moya waSimakadze wehlela etikwakhe ngemandla lamakhulu, watfukutsela wabila.

1 Samuweli 16:18

Lenye yetinceku yaphendvula yatsi: “Ngibone indvodzana yaJese waseBhetlehema lenelikhono ekudlaleni ihabhu. Uyindvodza lenesibindzi, futsi uyingwazi. Ukhuluma kahle futsi, ulikhwa, naSimakadze unaye.”

1 Samuweli 18:12

Sawula abesamesaba loDavide, ngobe Simakadze abenaDavide asasukile kuSawula.

1 Samuweli 2:35

Ngiyawutivusela mine umphristi lowetsembekile, loyawukwenta loko lokusenhlitiyweni yami nasengcondvweni yami. Ngiyakumakhela situkulwane lesicinile, uyawuhamba embikwalogcotjiwe wami phakadze naphakadze.