1 Samuweli 15:17 - Siswati 1996 Bible

¹⁷ Samuweli watsi: “Nome wena utibona ungulomncane, kodvwa manje uyinhloko yetive tema-Israyeli; Simakadze wakugcoba kutsi ube yinkhosi etikwema-Israyeli.

1 Samuweli 15:17 Iomraidhean Croise

Hoseya 13:1

Abetsi Efrayimu nakakhuluma, kutfutfumele emadvodza; abephakanyisiwe ka-Israyeli. Kodvwa waba nelicala lekukhonta Bhali, wafa.

Matewu 18:4

Ngako-ke wonkhe muntfu loyawutitfoba njengalomntfwana, nguye lomkhulu embusweni welizulu.

Tikhulu 6:15

Gideyoni wabuta, watsi: “Kodvwa Simakadze, ngingamsindzisa njani Israyeli? Lusendvo lwakitsi alusilutfo kuso sonkhe sive sakaManase, nami ngingulomncane kakhulu emndenini waketfu.”

1 Samuweli 10:1

Samuweli wase utsatsa lichaga lelalinemafutsa, wawatsela enhloko yaSawula, wamanga, watsi: “Angitsi Simakadze ukugcobile kutsi ube ngumholi welifa lakhe?

1 Samuweli 10:22

Ngako baphindza babutisisa kuSimakadze, batsi: “Kungabe lomuntfu sewufikile yini lapha?” Simakadze wabaphendvula watsi: “Yebo, sewufikile, mane ubhace emkhatsini wemitfwalo.”

1 Samuweli 15:16

Samuweli wakhuluma kuSawula, watsi: “Bindza! Ngitakutjela kutsi Simakadze utsiteni kimi kulobusuku.” Sawula watsi: “Ngitjele.”

1 Samuweli 9:21

Sawula wamphendvula watsi: “Kantsi mine angisiye umBhenjamini yini, lophuma esiveni lesincane kakhulu ka-Israyeli, lona lusendvo lwakitsi aluluncane kakhulu yini kunato tonkhe tinsendvo tesive sakaBhenjamini? Pho, ukhulumelani kimi kanjalo?”