1 Samuweli 11:15 - Siswati 1996 Bible

¹⁵ Ngako sonkhe sive saya eGilgali, sayawucinisa khona kubekwa kwaSawula kutsi abe yinkhosi embikwaSimakadze. Ngulapho-ke lapho bafike benta imihlatjelo yekuthula embikwaSimakadze. Sawula naso sonkhe sive sema-Israyeli sajabula kakhulu ngalelo langa.

1 Samuweli 11:15 Iomraidhean Croise

2 Samuweli 19:15

Inkhosi yase iyancandzeka, yahamba yaze yefika eJordane. Emadvodza akaJuda eta eGilgali kutewuhlangabeta inkhosi ayewete umfula iJordane.

Eksodusi 24:5

Watfuma emajaha etive tema-Israyeli, anikela iminikelo yekushiswa, ngemihlatjelo ngetinkunzana taba ngiminikelo yekuthula kuSimakadze.

YaJakobe 4:16

Kepha manje niyatibonga ngekutigabatisa kwenu. Konkhe kutigabatisa lokunjalo kubi.

1 Samuweli 10:17

Samuweli wabita sive sema-Israyeli kutsi site kuSimakadze eMispa.

1 Samuweli 10:24

Samuweli watsi kubantfu: “Niyambona-ke umuntfu lokhetfwe nguSimakadze? Kute namunye lofanana naye kubo bonkhe labanye bantfu.” Sive sonkhe samemeta satsi: “Lunwele loludze! Nkhosi!”

1 Samuweli 10:8

“Hamba embikwami wehlele eGilgali. Ngitakulandzela ngite kuwe ngitekwenta umnikelo wekushiswa nemnikelo wekuthula, kodvwa wena kufanele ungilindzele emalanga lasikhombisa, ngize ngifike kuwe ngikutjele lofanele kutsi ukwente.”

1 Samuweli 12:1

Samuweli wakhuluma esiveni sonkhe sema-Israyeli, watsi: “Ngikulalele konkhe lenikukhulumile kimi, ngase nginibekela inkhosi letanibusa.

1 Samuweli 12:17

Akusiso sikhatsi sekuvuna kolo yini nyalo? Ngitawubita Simakadze atfumele kudvuma nemvula. Nitawube seniyabona-ke kutsi nenta intfo lembi kangakanani emehlweni aSimakadze ngalokutsi niticelele inkhosi.”

1 Samuweli 8:19

Kodvwa sive sema-Israyeli sala kulalela Samuweli. Satsi: “Cha! Sifuna inkhosi letasihola.