1 kubaseKorinthe 9:22 - Siswati 1996 Bible

²² Kulababutsakatsaka nami ngaba butsakatsaka, kuze ngizuze lababutsakatsaka. Ngako-ke sengaba ngiko konkhe kubo bonkhe, kuze ngako konkhe ngisindzise labanye.

1 kubaseKorinthe 9:22 Iomraidhean Croise

KubaseRoma 11:14

Mhlawumbe ngingabavusela sikhwele bantfu besive sakitsi, ngize ngisindzise labanye babo.

KubaseRoma 14:1

Mayelana nalobutsakatsaka ekukholweni, memukeleni kahle, kodvwa hhayi kutsi nitewuphikisana naye inkhani ngemibono.

KubaseRoma 14:2

Lomunye lukholo lwakhe lumvumela kutsi angadla nome yini, kantsi lobutsakatsaka ekukholweni udla tibhidvo kuphela.

KubaseRoma 15:1

Tsine lesicinile ekukholweni kufanele sitfwalisane nalababutsakatsaka ekwehlulekeni kwabo, singatijabulisi tsine.

KubaseRoma 15:2

Ngako-ke akube ngulowo ajabulise makhelwane wakhe, khona atekwakheka.

1 kubaseKorinthe 10:33

njengobe nami ngijabulisa bonkhe bantfu ngako konkhe, ngingafuni kutisita mine, kodvwa ngifuna kusita labanyenti, kuze kutsi basindziswe.

1 kubaseKorinthe 7:16

Wena mfati, wati ngani kutsi utayisindzisa indvodza yakho? Wena ndvodza, wati ngani kutsi utamsindzisa umkakho?

1 kubaseKorinthe 8:13

Ngako-ke nangabe lokudla kwami inyama kumkhubekisa umzalwane wami, angeke ngisayidla inyama nome nini, kuze ngingamkhubekisi umzalwane wami.

1 kubaseKorinthe 9:19

Ngobe nome ngikhululeke kubo bonkhe, noko ngatenta sigcili kubo bonkhe, ngidzimate ngizuzele labanyenti kuKhristu.

1 kubaseKorinthe 9:23

Ngikwenta konkhe ngesimanga seliVangeli, kuze nami ngibe nesabelo kulo.

2 kubaseKorinthe 11:29

Nakukhona lobutsakatsaka, angitfwalisani naye yini kulobutsakatsaka bakhe? Nakukhona lowako ekukholweni, angimveli buhlungu yini?

KubaseGalathiya 6:1

Bazalwane, nangabe lomunye wenu asawele esonweni, nine bakaMoya, lowo mephuleni, loko nikwente ngemoya wekutfobeka; kodvwa nawe uticaphele, ngobe ungahle ulingeke.